موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    قصيده منبريه للامام الحسن عليه السلام

    شاطر

    قصيده منبريه للامام الحسن عليه السلام

    مُساهمة من طرف المشرف العام مشير السعيدي في الجمعة يونيو 26, 2009 7:22 pm


    الامام الحسن
    ـــــــــــــــــــــ
    سموا چبد المختار طفوا نور الانــــوار
    سموا شمامة حيدر بغضا بامجاد الكرار
    &&&&&&&&
    سمو ثالث نسل العتره سموا روح الحره الزهره
    سيد شبان الفـــــردوس تشهد انس اوجان ابطهــره
    يكرم ضيفه ابكل مايملك مالف بالديوان السفـــــره
    زاهد عابد للرحمن
    ينطق بايات القرآن
    نور ايشع امن الايمان
    فارس بالسوح اوبتــــــــــار
    &&&&&&&&
    ظنهم هزوا ركن الديــــــن مايدرون العتره اوتاد
    حيدر والزهره اوشبليـــن بيهم هذا الكون انگـاد
    تسعه العصمه اولاد حسين نسل العتره امن السجاد
    دمكم ثبت ديـــن الله
    الكم هذا الكون احياه
    لو ما انتم ماســـــواه
    بيكم كل الكون انــــــدار
    &&&&&&&&
    اليوم انواسي البضعه ابشبر نبچي اونلطم ضنوة حيدر
    كل الشيعه اتحد لمصــابك يبن الساقي ابحوض الكوثر
    بينا احزان اعليكم توجــع صرنا لحزن العالم مصدر
    كلما جاروا صحنا انحبكم
    كلما ذبحوا فدوه الدمكـــم
    كلما ضاگت لذنه ابسدكم
    الكم نفدي الدم انهـــــــــــــــار
    &&&&&&&&
    نفدي ارواح ابلايه احساب صار ادهور الدم سچاب
    حبكم يولد وي الشيـــــعي حبكم جيني امن الاصلاب
    بينا اشجون لضلع الزهره اوبينا احزان لداحي الباب
    بينا آلالم اتشيب اطفال
    توارثناها اجيال اجيال
    نبگه انصول او ماننصال
    محمين بحامي الجـــــــــــــــــــار
    &&&&&&&&
    محميين اونمشي ابزود بيد المهدي اترف الرايه
    منذورين ابجيشه اجنود عدنا ابيوم المحشر غايه
    تشفع منوانه اهل الجود اول من دگ بالحگ ثايه
    يوم ايبين منهو الضــــال
    يوم اتهد من هَولـَه اجبال
    يوم الماينفع بيه مــــــــال
    يربح من والـــــــه الكـــــــرار



    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الثلاثاء يوليو 17, 2018 10:40 pm