موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    رايه اوسيف للامام العباس عليه السلام

    شاطر

    رايه اوسيف للامام العباس عليه السلام

    مُساهمة من طرف المشرف العام مشير السعيدي في السبت يوليو 18, 2009 8:58 am


    [size=21]رايه اوسيف

    ــــــــــــــــــــــــــــــ
    منيين اجيك اتلمني بچفوفك واضيع
    وانكمش واصغر وذل اگبالك
    الف عوذه اوياي لوزرتك اجيب
    والف قل هو اوقل اعوذو اقرالك
    صلفه بالطف واحنت ذل السيوف
    وانت جيش اوجيش ثاني اخيالك
    انت بالعباس لو عندك اديك
    تنحني الدنيا وتبوس انعالك
    هيه برزت يمنتك محد دناك
    حاشا تتعب والسيوف اتنالك
    يمنتك والسيف هدن على الشمال
    اوبرزت اليمنه الجيوش اشمالك
    انت صحت الموت واطيته الامان
    مو غشيم ابلا گلب يدنالك
    هنه رايه اوسيف وبخيت اليلوذ
    الساتر الله اعلى التخطفه اذيالك
    صار ملك الموت طوعك بالطفوف
    زلم يقبض مو ارواح ابجالك
    برزخ اوهديت تجادح شرار
    منين عدها اجيوش اميه امثالك
    شرد اوصف بيك ومنين ابتديك
    انت انت وانت بس اعدالك
    انت لو رايد فلا مخبر يعود
    اتغيب لو تطفه الشمس يجرالك
    اجت ليك المشرعه اتگوم اوتطيح
    فاض منها الماي وادنه الجرف
    الخيل صارت والزلم چالي الفرات
    وبرهاتك ماي للجربه اتغرف
    يبتلي اليدناك لو سدد عليك
    اتلگطه بالسيف اوعدل للشط گطف
    تزبر اللاگاك وتوسده التراب
    گبل سيفك صوت يعصف بيه عصف
    ماتثني اعلى اليهد امن الصفوف
    اثنين تشرگ جثته ابسيفك خطف
    ترتجز فرحان بملاگه الجموع
    اوبين اديك الگاع بيهم تنخسف
    مايچل السيف لن سيفك طموح
    والطموح اينال ضعفين اوضعف
    انت بيك اتلوذ لو شدوا عليك
    اوتنتخي ابعباس وبغيره اتخذف
    اطش يمين المشرعه اوسيفك يطوش
    او لوصحت كرار تنسفهم نسف
    دوت بيهم ضغبره اوحار الشديد
    اوياشديد الماگضه الشارب نتف
    صاري طولك مايطوله المايطول
    واليطول اوياك معتوه اوخرف
    انت بس عباس وي طولك يطول
    والبقيه اقزام حدها اوي الردف
    والله لوله حسين حاضر كربلاء
    چان حرنه ابكربله اشنحچي اونصف
    چان هيه اوجيشها اونهر الفرات
    ابنص عليجه اتجيبهم فوگ الچتف
    سيدي العباس عذرا سيدي
    بيه طف اجروح بس جرحك نزف
    جاحد اشما اگول خادمكم عقوق
    ابطول طولي اقصور وابهاي اعترف



    مشير السعيدي
    [/size]



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الأربعاء ديسمبر 19, 2018 7:28 am