موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    قصيدة حلم وردي

    شاطر

    قصيدة حلم وردي

    مُساهمة من طرف المشرف العام مشير السعيدي في الخميس نوفمبر 18, 2010 10:05 am

    حلم وردي
    ــــــــــــــــــــ
    تنفستك ضمير ابلحظت الميلاد
    تنبض روح بيه اوصرت وجدانـــــــي
    شلتك بين طبگات الضلوع اسنين
    كل ماضيع مني ابهورك الگانــــــــــي
    شربتك ريع دهله ابمطلع الستين
    چتفني الفرات اوصار سجانـــــــــــــي
    ناغيتك طفل وكت الضحه ابتشرين
    نتمشرگ شمس والچاي سيلانـــــــــي
    رسمتك ياوطن بين الرمش والعين
    صوره اوكحل بيك امطرز اجفانـــــي
    صغت روحي قصيده اتغزلت بالطين
    گلي الخاطر الله اشوكت تقرانــــــــــي
    طشيت العمر واسنينه الك شوباش
    اسومك بيش اسومك وانت تسوانــــــي
    غنيت الحزن كل الحزن باطوار
    بس حزن العراق ايهيج اشجانـــــــــــــي
    عفتك وانتحرت ابغربتي ابلا راي
    وبكل الدول ظليت عنوانـــــــــــــــــــي
    گالوا بيع گلت ابيا سعر ينباع
    والمن چا اصلي اواقره قرآنـــــــــــــي
    كاشخ بيك من چنت ابحماك ادهور
    عريان ابغربتي الغـَرب خلانـــــــــي
    لبست اثياب بالغربه اونزعت اسنين
    الغـَرب فرهد اسنيني اوغلف ذبانــي
    لكن بالعراق اشما لبست ايلوگ
    ترس چيس اوسبيل امرهدنه اردانـي
    سگيت الگاع دم اورضع اوشبان
    صرف طابو ابدماي اوملكي ربانــي
    من شريان ابوي اندفع سعر الگاع
    مو شفعه اوسند تزوير عثمانـــــــي
    حر شعب العراق اوحر عراق حسين
    مايغفه اويهده ابن الوطن ثانـــــــي
    اشبگك ياوطن وانفجر باليدناك
    ياتاج اعلى راسي اوطهر بلسانـــــــــي



    مشير السعيدي



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الثلاثاء أكتوبر 16, 2018 8:43 pm