موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    سيدة الطف للحوراء زينب عليها السلام

    شاطر

    سيدة الطف للحوراء زينب عليها السلام

    مُساهمة من طرف المشرف العام مشير السعيدي في الخميس ديسمبر 16, 2010 10:29 am


    سيدة الطف
    ـــــــــــــــــ
    قصيده ابعز منامي الحره كتبتها
    شفتها ابهاي عيني اتخط قصيدتها
    حبرها ادموع عيني اودم مسير الماي
    فاض ابلا وعيه اورسم صورتها
    نور الصوره قدسي ايبوگ شوف العين
    حتى الصوت لف صوته ابعبايتها
    بديت اكتب وتمتم چنت اظن جيثوم
    صاحت صوت بيه اوعبره خنگتها
    زينب انا زينب لاتروح ابعيد
    سجد قلمي خشوع اگبال هيبتها
    ابدي اوياي گالت واكتب اول بيت
    وحچي اوگول زينب هاي قصتها
    زينب صح بچت من هول طف حسين
    ارتوه منها الفرات اوشرب دمعتها
    بس موخوف صدگ بت علي الكرار
    شهدت گبل اهلها اعداها وكفتها
    سمعت ترس اذنها اطفال اخوها اتلوع
    اوقرة حيرة شهامه ابگصت اخوتها
    زمزم عين زينب طگت ابعاشور
    لطفال اويتامه حسين عصرتها
    صحراء اوعطاشه اوجيش خاوي اخلاق
    والشط ماتدنه الباب خيمتــــــها
    زينب خاب ظنها ابلا ضمير الگوم
    هدت ماي عين اوعين سدتها
    اوداع حسين گرب كون تنعه حسين
    خاف ايشح دمعها اوتبچي مقلتها
    فوج اسناد زينب يحمي ظهر حسين
    سوح الوغى ابصدره اوظهره ساحتها
    الطف والعطاشه اوچف اخوها الطاح
    هزها او مااهتزت شعره شيلتها
    من شجره ايتباها ابشجرته ابراهيم
    والشجره اتباها ابخدر عمتها
    صفات الزلم جود اومرجله اوايثار
    اوصفه بزينب صفات الزلم عدتها
    لاطلگت مره اولا گمطت نسوان
    مثــل امخدرت عباس غيـرتها
    كل اولاد حوه انخلقوا من الطين
    بس زينب نفخ بالصور طينتها
    زينب من نعدها اتعادل المعصوم
    تجلت بالطفوف اوثبت عصمتها
    شمعة طف اخوها اشما طفوها اتنور
    تتغشه الشمس من نور شمعتها
    من تمشي ابشمم والنور ست اكتار
    يحني النخل راسه الثگل مشيتها
    مبخوت الگصدها اينال بيده مراد
    زينب تستجاب ابساع دعوتها
    ذلت روس اميه اوخاب فعل السيف
    بين مال حاضر فتك حوبتها
    هاك الشام شاهد باربعين حسين
    والتاريخ يومي اويحچي شارتها
    لذلك نفتخر خدام عدها انصير
    اوزينب تاج كشخه ابروس شيعتها

    مشير السعيدي









    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الأربعاء ديسمبر 19, 2018 8:12 am