موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    قصيدة اسطول النجاة

    شاطر

    قصيدة اسطول النجاة

    مُساهمة من طرف المشرف العام مشير السعيدي في الخميس يناير 27, 2011 1:12 pm


    اسطول النجاة
    ـــــــــــــــــــ
    علگ شمعة كربله ابدمه الحسين
    ونور ابو السجاد يوم الطف ضوه
    امة الهادي انتكس بيها الضمير
    صرخ صوت حسين بالحق اودوه
    صرخه رسمت خارطة صوت الضمير
    وصرنا نتنفس صرخته اوي الهوه
    صوت باشط يلوي برگاب الطغاة
    فرك خشم السيف وبدمه التوه
    كبر الله اوصاح حي اعلى الجهاد
    للشهاده حسين يوم الطف نوه
    كتاب ناطق ينقره ابكل اللغاة
    وچم كتاب ابطبگة اجلاده انطوه
    حسين حق ٍ وابن حق الحق معاه
    ابجسد واحد توم يندارن سوه
    الصراط حسين وحسين الصراط
    منهو يشفعله الببن هند انغوه
    نشف ريج الدين وتشاهد طريح
    من وريد حسين دين الله ارتوه
    حادي ركب المغفره اسطول النجاة
    فاز من والاه والخالف هوه
    شجرة التوحيد ثمرتها الحسين
    اوللرساله احزام وضماد اودوه
    ضگنا طيبة ثمرته اوطاب المقام
    اوخل يزيد اوزمرته اتسلس نوه
    گبل يوم الدين من بايع يزيد
    ابجمرة العطشان بالطف انچوه
    فزنا بالفردوس عشاگ الحسين
    ابچف عضيد حسين خفاگ اللوه


    مشير السعيدي



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الإثنين نوفمبر 19, 2018 8:51 am