موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    قصيدة سبع الكنطره للامام العباس عليه السلام

    شاطر
    avatar
    مشير السعيدي

    عدد الرسائل : 3
    تاريخ التسجيل : 15/06/2008

    قصيدة سبع الكنطره للامام العباس عليه السلام

    مُساهمة من طرف مشير السعيدي في الأحد يونيو 15, 2008 9:12 pm


    سبع الگنطره
    ـــــــــــــــــــ
    شمخ وسط المخيم والنواظر نار
    تجدح وآل اميه عيونهم رمــــــده
    سِمَع زينب تحشمه اتريد شربت ماي
    شد ابظهر مُهره اوللنهر كـــــــده
    عد عينچ يزينب والزماط ازماط
    لخلي الجيش مني ايضيع الشرده
    عَي الكون دخن من زئر عباس
    هز بيد اورجع لحسين شاف الجيش مو گده
    وگف وعيونه تقره اشتحچي عين حسين
    شاف اشفافه نشفت وانمرد چبـــده
    غضب والغيض شرعب وانحناله اوگال
    لخليها ابجثثهم تطفح المَــــــــــــده
    گام اوهد عليهم وانتخه الكرار
    هدت جيش كامل هد فرد هـــــده
    رعدت غيمت مطرت غضب سجيل
    ومض السيف يبرج والطبر رعده
    سيفه اخيار يتخير چبير الروس
    اومن بين الالوف الفارس ايفــرده
    لظم بالسيف يلظم روس المجبلين
    واليتحاشه سيفه ابصرخته ايسنده
    يتلگه الرماح اوترد للرماي
    يشگفها ابرهاته اوتلتوي ابزنـــده
    صرخت كلها صاحت هد علي الكرار
    انه العباس صاح الماخلف وعـده
    انه العباس مشرع سيف بيد حسين
    وانه العاهد عضيده اومانقض عهده
    انه سبع الگناطر والمواضي اشهود
    وانا ابن الصميده اليحضر الشــــده
    الف منكم جبيلي ابجيش ابن سفيان
    ونزل من مهرتي اگباله واتحـــــده
    كشف وجه الشِريعه اوناش بيده الماي
    وصل حلگه الشريف الماي وتبده
    روه اشفافه ابدمعته اوذكر چبد حسين
    لاچنتي يروحي اولاچنت بعــــــده
    ترجل من مهرته اوبيه توضه الماي
    مله الجربه اوعليهم شد فرد شده
    ابكثر نگل الحوافر روس بيده اطير
    اوملك الموت تيه حسبته اوعـده
    مايخطي اليطبره ايساوي جسمه اثنين
    يجفي امن الختل والگابله اينگده
    گطعوا يمنته اوشال ابيساره السيف
    ماصد اليمينه اعلى الخيم صـده
    ومن گطعوا يسار اوطاح منها السيف
    عض برچاب مهره اوللخيم عده
    تسامه اعلى الجروح ابغيرته العباس
    اوصاح ادركني خويه الماي يتبده
    صاح انكسر ظهري اوصال ابو السجاد
    گبت منهو يگدر يوگف ابحــــــده
    حظن راسه الشريف اودنگ ايشم بيه
    اوغِسل جرحه ابدمعته حسين ويضمده
    فك عينه ابخجل يتباصر اوي حسين
    ماهد سيف اخوك المستحه ايهده
    عندك بالمخيم ورده طلبت ماي
    اولفيح الگيض خاف ايذبل الـــورده
    غيره ايفيض من غيرة علي الكرار
    يشيل احمول دنيا ابضامره اووجــده
    طلب طلبه اوتشاهد بين ايدين حسين
    من سكنه اعتذرلي اوحلفه ابجــــــــده


    مشير السعيدي
    avatar
    saad

    عدد الرسائل : 2
    تاريخ التسجيل : 09/01/2010

    رد: قصيدة سبع الكنطره للامام العباس عليه السلام

    مُساهمة من طرف saad في السبت يناير 09, 2010 2:10 am

    الله الله الله يسلمك ربي ياقالي
    avatar
    saad

    عدد الرسائل : 2
    تاريخ التسجيل : 09/01/2010

    رد: قصيدة سبع الكنطره للامام العباس عليه السلام

    مُساهمة من طرف saad في السبت يناير 09, 2010 2:10 am

    يسلمك

    رد: قصيدة سبع الكنطره للامام العباس عليه السلام

    مُساهمة من طرف المشرف العام مشير السعيدي في السبت يناير 09, 2010 11:42 am

    تشرفنا بحضوركم

    اهلا وسهلا بكم وحياكم الله

    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

    سبع الكنطره بصوت الشاعر مشير السعيدي

    مُساهمة من طرف المشرف العام مشير السعيدي في الجمعة أبريل 01, 2011 11:38 am



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الإثنين سبتمبر 24, 2018 11:43 pm