موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    زنجار السوالف للامام المنتظر عج

    شاطر

    زنجار السوالف للامام المنتظر عج

    مُساهمة من طرف المشرف العام مشير السعيدي في الجمعة سبتمبر 14, 2012 12:30 pm

    زنجار السوالف
    ـــــــــــــــــــــــــــــــــــــــــــ
    بينه شوگ الجيتك يحني الظهور
    يمته چا تظهر يبن حامي الدخيل
    مثل شوگ الصايم الوكت الفطور
    اومثل صبر ايوب لاحكام الجليل
    مثل بت البيت من تعشگ غريب
    ناهي ابن عمها وهو يخبل جميل
    وحنه واحدنه اوعلي ابعشگك يهيم
    يشگ ثوبه اعليك زيجين اوشليل
    مانصلي الليل ندعيلك تلوح
    نقره مشلول اودعه الندبه اوكميل
    والله سودنه البعد طلگه اوتعال
    مانسمعك صوت نصهلك صهيل
    اونحبي زحفا للطفوف ابكربلاء
    انجيب سيف حسين وچفوف الچفيل
    تموت تحيه الشيعه ديدنها الحسين
    اتلوگ للعتره خدم جيس اوسبيل
    راية العباس معگوده اوتصيح
    الشيعي شيمه يطيح جدامك چتيل
    اسرج اوحياك هاك اخذ العهود
    انت أمر واحنه نتوگه الثجيل
    انگوم گومة كربله ابطف الحسين
    بينه زينب كربله اوبينه العليل
    بينه حُر اوبينه عابس بينه جون
    اوبينه غيرة صاحب الحوض السبيل
    انت شَرع واحنه نتولى القصاص
    اوعدنه ضد اعداك چم حجه اودليل
    همه عالوا بيك من ضلع البتول
    زيح زنجار السوالف وانت عيل
    انت ثار الله لوداج الحسين
    انت بس فر رحتك واحنه النچيل
    للغلاصم خل دمه اعداكم يفور
    للرگب مولاي مايشفي الغليل
    صار الف اونص الف عام اعلى عام
    قال هذا اوقال ذاك اوهذا قيل
    انسوا گالوا دم علي اوضلع البتول
    الفات مات اوذاك جيل اوهذا جيل
    لاوحگك والرضع صدر البتول
    لويحل بيهم قصاصك لو من ارض الله نشيل
    مشير السعيدي







    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الأربعاء ديسمبر 19, 2018 11:06 am