موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    عطشان الفرات للامام الحسين عليه السلام

    شاطر
    avatar
    مشير السعيدي

    عدد الرسائل : 3
    تاريخ التسجيل : 15/06/2008

    عطشان الفرات للامام الحسين عليه السلام

    مُساهمة من طرف مشير السعيدي في الإثنين يونيو 16, 2008 7:29 am


    [b]عطشان الفرات



    ـــــــــــــــــــــــــــــــ
    انت مو عطشان عطشان الفرات
    من رضاب اشفاك ياطاهر شــرب
    گام جدامك وگف صاغر ذليل
    أمحَل اوصيهود جرفينه اونضـب
    والنخل يحسين حَد يوم الطفوف
    وامسَك امن الماي يحسين اوشَحَب
    نبل صارت سِلِتـَه ابصدر الجيوش
    وانت يمك ينحني ايقدم رطـــــــب
    الگاع من سيفك يميل اعلى الرگاب
    اتميل وي السيف لو سيفك خطب
    انت صگار الوغى بحر الوطيس
    تهوه جحجح لوصحت وتگص رگـــب
    لـَم تِلِم الجيش وتطشه ابرهاك
    روس تندح روس خرفان العرب
    تِلظِم ارماحك زلم تنعد بالوف
    يمنه يسره اتصول ماهدك تعـــب
    هذا ميدان اللعب صاح الحسين
    وحده زلزلها الملاعب من لعـــــب
    وحده هَد ابصارمه اوهد الجموع
    وحده يلجمها اذا شرعَب غضــــب
    وحده شوفهم علي اويوم الوعيد
    وحده راواهم هوايل والعَجَــــــــب
    وحده يوم الطف تصرفن للحتوف
    اوبيده سافلها اعلى عاليها انگلــب
    وحده والكثره صفت تطلب مدد
    خسرة الكثره وابن فاطم غلـــــــب
    صَلَه يوم الطف تحت سَن السيوف
    حان فرض الله ابملاعبها اووجَـب
    وگف يوعض جيشها اليوم الحساب
    يدري هاي الناس للنار الحَطَــــب
    رفع چفه اوگال انا انا الحسين
    الف تيت ايد من يغفــــــــــل وتب
    انا سيد اسيادها اوسبط الرسول
    اشلون فضلتوا التراب اعلى الذهب
    انا ابن خير الورى اوخير الانام
    وانا ابن ياسين وابن اشرف نَسَـب
    انا ابن قالع حصن خيبر يهود
    سيفه ماثنه اعلى مرحب من ضرب
    انا ابن خناگ فرسان النزال
    انا ابوي اگباله ابن ودها ارتعَـــب
    مااذل هيهات لو اصافح يزيد
    حانة الساعه بعد ماظل عتــــــــب
    شرع صدره اوصاح حيا الله السيوف
    اومن دماه حسين تاريخه انكتــب
    عفس بالطف شمخرت آل اوبني
    طاح بيها الطاح والمختل هَــرَب


    مشير السعيدي
    [/
    b]

    رد: عطشان الفرات للامام الحسين عليه السلام

    مُساهمة من طرف المشرف العام مشير السعيدي في الأحد أبريل 17, 2011 1:54 pm



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الثلاثاء يونيو 19, 2018 3:50 pm