موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    مرثية الحكيم

    شاطر

    مرثية الحكيم

    مُساهمة من طرف المشرف العام مشير السعيدي في الخميس يونيو 19, 2008 9:54 am


    مرثية الحكيم
    ــــــــــــــــــــ
    دست فوگ الگزاز اوحافي جدمك چان
    فجت والروج عالي امعاكس التيار
    لبست الغيره درعك والشرف عنوان
    اوجبيلك موجبيلك لبس ثوب العار
    ند اوي المنايه اومايزودك زود
    ماتطلبـــها جدك حيدر الكــــــــرار
    چنت الهم مسله ابطارف الزردوم
    ماچليت وانت ابنص لهيب النـــــار
    عنك شرد اسولف ياشعر يحويك
    وانا امنين اجيك الگاك ذو الفقــــار
    بس وياك عندي امعاتب امحبين
    العراق انباگ من باگوك يادهــــــدار
    والتمت علينه اشكول يابو اشكول
    يطلب دين هذا اوذاك يطلب ثـــــــار

    تنهش نهش ذيب اوهل وطن تعبان
    هذا ابفاله شچه اوذاك بالمگــــــــوار
    وحنه انصيح اصبروا ايلوچ بينا الموت
    حتى الموت مات امن الذبح وانهــــار
    مايحتاج نحسب للهلال احساب
    مزنه الموت غيم والارواح امطـــــار
    حگي امنرد اعتاب ياسليل حسين
    بيك الضمد چان اعلى العراق اهطـار
    اصبر ياوطن لازم يزول الغيم
    اولازم يجلي صبحك كل صدى اوزنجار
    اشما عالوا ترد وتگوم تحدي اردود
    منهو ايطول كلها الطاولوك اگصــــــار


    مشير السعيدي

      الوقت/التاريخ الآن هو الإثنين سبتمبر 24, 2018 11:28 pm