موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    المقابر وحلبچه

    شاطر

    المقابر وحلبچه

    مُساهمة من طرف المشرف العام مشير السعيدي في الخميس يونيو 19, 2008 4:54 pm


    المقابر وحلبچه
    ــــــــــ
    لـَعَبنَه اوياك لِعبَة زيبَگ اوسكران
    اوتـَنسيف ابطبَگ يدنان نَسَفنـــــاك
    اوچان الخيط بيدك والشعب عَصفور
    تِنتِف ريش ابَيَه الطير مِن يدنــــاك
    كِسَرت اجناحه الايمن ياصَليف العين
    اوطَرَزتـَه اعلى مَتنَك تِزهي بي يَمنـاك
    بَس انتَ وَحَش عُمرَه الوَحَش ماطار
    جـِنِح صرنا ابيـِسارك واحنه طـَيَرناك
    اوطِرنا أسراب حره اتزِف فـَرَح للناس
    لـَطفال الثِچالـَه ابطـَبل زفينــــاك
    اوحَنينا حَلـَبچه ابدَمعَت الايتام
    صَحَه الميت ضَميره اوغَمضت عَينــاك
    جَماعيه المقابر خضـَرة بالگاع
    بـِعِت بينه ابرخيص الهَل سَبَب بـِعنــاك
    اشتـَعَل ميتـَك تـَگلي اشذنب هاي الناس
    يَملـَعب النِفوس افيش من زعنــــــاك
    اقصور اوفخفـَخـَه ولسان طوله اذراع
    تالي ابجحر واوي الغِسِل طـَلـَعنــــاك
    ثاري انت سَهِل مِثل التِبـِن بالريح
    ابنـَفخـَة ثور مو مِرواح ذ رينـــــاك
    ولاتحتاج شرطي اولا كَلـَبچه اوسوط
    ابگصيبة حُرَه بت بغداد جَتـَفنــــــاك


    مشير السعيدي

      الوقت/التاريخ الآن هو الإثنين أغسطس 20, 2018 10:42 pm