موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    ثورة العشرين

    شاطر

    ثورة العشرين

    مُساهمة من طرف المشرف العام مشير السعيدي في الخميس يونيو 19, 2008 4:55 pm


    ثورة العشرين
    ــــــــــــــــــــ
    ابهوسه وبعراضه اوماو يهل الماو
    طشوا الياس وزهور اورياحين
    وازرعوا الگاع حنه والدروب اشموع
    اوحنوا ابيوتكم بوب اوحياطين
    وارفعوا الروس فوگ اوحيوا شعلان
    مهي ابشعلان تتباها النياشين
    للخطار ترگص دلته امن بعيد
    عروس امزوگه ابسحر الفناجين
    الغيره العد اهلنه اتشرف الاجيال
    عبايه اتلوگ كشخه اوي العراقيين
    نلوگ احنه الوطنا اوبس علينه ايلوگ
    اوعلينه تلوگ گعدات الدواويــــن
    العراق افصال ويانه سبيل اوچيس
    اوعلينا اولام گدت ثورة العشرين
    احنه الثوره اهلها اودم اهلنه اشهود
    امن امس لليوم صورتها كحل بالعين
    سگيناها ابزلم وادموع وبآهات
    شِطفنا الگاع بالدم واختلط بالطين
    اشكثر بيها انتباها اونفتخر ونزود
    اونعرف مجد اهلها ارتفع علييــن
    اوچان الوطن نخله اوحدر فيه اخوان
    عرب واكراد واسلام اومسيحين
    ننزع من حلگنا اللگمه للوجوعان
    تضحك بوب اهلنه ابوجه المسيرين
    ليش افتر عكس ناعور ناس اليوم
    لاشعلان هزها اولايهزها حسيـــن
    ياشعلان باگوا هيبت المبخوت
    شياطين السياسه اوزار متوزريــــن
    شي حلل ذبحنا اوشي ذبح ذولاك
    شي تسحت سياسه اوشي سحِت بالدين
    هذا ايگول انا اوذاك انا ايگول
    واحنه ابين هذا وذاك مشدوهيــــن
    هذا الجنه بيده اوذاك بيده النار
    واحنه ابنار هذا اوذاك مچوييــــن
    مدري امنين اجونه اشكول يابو اشكول
    علاسين كلهم من يبري اثنيـــــــــــن
    بينا اشكال لعبوا والحبل جرار
    والادهى اللعب مكشوف علحبليــن
    ياهو اتگضه ماخذ بالفقه دكتور
    واحلف بيش نصهم سَذج وامييــــن
    ضرب العسل شرعا كوب كل مصباح
    بس الفقره احوط ماتضوگه اسنين
    لهدات الرواتب حمل ناگه افلوس
    وابن الملحه يقبض سعر رجيتيـــن
    دبي عَمان لندن غصت امن البوگ
    واحنه ايطبنه طوب ابدين نوفي الدين
    بالاعلام تسمع ماكو ظل جوعان
    بس اوعود واقبض من دبش بعدين
    كلها اتصيح اليه اوروب روب البوگ
    مدري اسويده اجتهم مدري ملهوگين
    اوباچر قاضي راضي ايقدم التقرير
    ويطلعون خُلـَص واحنه بواگيـــــــن
    فزگت حيل فزگت من يعدل الميل
    كلش مصخوها اوماكو بيهم زين
    ماظل عيب عدهم صلعوا للناس
    ولو همه امن اصلهم چانوا امصلعين
    هو البيده يذوه اشلون ينحر سيل
    يعني اتعيش طول اعمارنا امسيسين
    ياشعلان باعوا كلشي بالمازاد
    ابظهر الوطن شچوا مية الف سچين
    خانوا ملح گاعك ياوطن والزاد
    كلها ابحز وريد الگاع مشتركيـــن
    نوابك شغلهم بس توز بالناس
    والظاهر عليك امن اجوا موزوزين
    شعبك داخ ويون يلهط ابلا راي
    مايدرون وين اليا كتر ماشيــــــن
    لو شعلان يطلع يكفر ابشعلان
    ويبايع يزيد اويگص نحر حسيــــن





    مشير السعيدي

      الوقت/التاريخ الآن هو الإثنين أكتوبر 22, 2018 3:57 pm