موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    بين الحسين والصدرين

    شاطر

    بين الحسين والصدرين

    مُساهمة من طرف المشرف العام مشير السعيدي في الخميس يونيو 19, 2008 4:58 pm


    مقدمه
    ـــــــــــــ
    يمهل الباري ولايهمل محال
    اوهاك برهاني واخذ مني الدليـــل
    الناس كلها اتموت مابيها مجال
    اولو حضرنا الموت مايقبل بديل
    شي تموت اگبورها ابعلو الجبال
    وگفه لوماتت مثل موت النخيــل
    اوشي تموت اوتستحي اتعلگه الحبال
    نِجَس كله امنين مايغرف يميــل
    الموت بالعزه الصدر اروع مثال
    صوت يدوي اوماخرس صوت الصهيل
    والصنم من طاح خسيس الخصال
    الگاع گامت زاعته اورادت تشيل

    بين الحسين والصدرين

    ــــــــــــــــــــــــــــــــ
    انتواكح بالمنايه اونرگص اوي الموت
    بس ابيا طريقة موت رگصتنـــــه
    وگفه انموت نتمايل غنج بالريح
    اوياهو المات واگف مثل موتتنــه
    طبع نخل العراق اشما يطيح ايزود
    الف نخله تشب بالگاع غيرتنـــه
    شوف الصدر الاول شمخ فوگ الموت
    اوشموخ الموت وحده ابسفر قادتنه
    والثاني الصدر بالچفن طب للموت
    ملگه الظيف نلگه الموت عادتنـــه
    لاء حسين منهج والصدر تجسيد
    اوهاي اللاء تشمخ بيها عزتنـــــه
    ششرف من شهاده ابين ادين حسين
    اوياثوره التشرف مثل ثورتنـــــه
    لاذل لاخضوع اولاء تندح لاء
    اونعم تندح نعم لحسين بيعتنــــــه
    فك ظرف الرساله باربعين حسين
    تعرف كل طلاسِم معنى مشيتنـــه
    كل خطوه ملك يكتب الف لبيك
    اوكل لبيك الف يسجد لارادتنـــــه
    لان حبل الوصل بين البشر والله
    وتر موتور قطعا بيد ايمتنـــــــــه
    اذا لاء الصدر مو محظ صدفة يوم
    اسسها الحسين ابدم عقيدتنــــــــه
    توارثنا العقيده اوجيل يرضع جيل
    اوجيل ابجيل ماذلت كرامتنـــــــه
    تلاگفنه الشهاده ابكل رباطة جاش
    لان بالموت يكمن سر قضيتنــــه
    شيذل النحر وبكل نحر سياف
    تذبح سيف ماتنذبح رگبتنـــــــــه
    من طف الحسين الدم طفح موحان
    اومن شريان ابو السجاد رضعتنه
    رايتنه الشمس والگمر ساري حسين
    ابچف عباس رفت مجد رايتنـــــــه
    من مجد الطفوف اوراية العباس
    بلورنا شكل صورة خريطتنـــــــــه
    رسمناها ابتاني الشكل والمظمون
    اوچرچبها الصدر والصدر صورتنه
    شال اشراع وابحر عاكس التيار
    وابحر نوح من بحرت سفينتنــــــــــه
    عمت عينه اليغطي الشمس بالغربيل
    ابكبرها الگاع فنها ابيوم غطتنــــــه
    من يطفي الشمس والشمس نور حسين
    چان امن الطفوف اعدانا طفتنـــــه
    دم حسين شمعه امن الطفوف اينور
    واول نور شمس الكون شمعتنـــــه
    چا حگها العواذل لو ذبحها الغيض
    منه اوبينه بعض الناس كرهتنــــــه
    مترديه العواذل فركت الزنجار
    معدنها لمع وابهر نطيحتنـــــــــــــه
    تلاگن بالرذيله اوخططن لبليس
    انعمه الشيطان گاودهن لخطتنــــــه
    وافترت عليهم رحا الموت ادير
    طحنتهم طحن بهداي رحتنــــــــــــه


    مشير السعيدي

      الوقت/التاريخ الآن هو السبت مايو 26, 2018 1:33 pm