موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    يوم العيد رد على المسخ

    شاطر

    يوم العيد رد على المسخ

    مُساهمة من طرف المشرف العام مشير السعيدي في الخميس يونيو 19, 2008 5:09 pm


    يوم العيد
    ـــــــــــــ
    وي صوت الاذان اوفجر يوم العيد
    بشرنه المنادي العيد ثلث اعيــــاد
    جابوه النشامه امچتف الخنزير
    والصايود طاح المايظن ينصــــاد
    ماشايف جبل يندحس بالزاغور
    باولها جبلكم تيه المــــــــــــشراد
    صح النخل واگف من يريد ايموت
    لحلوگ المواگد يصفه تالي ارماد
    شلون الرگبه تلتف علحبل يحوار
    ومدندل جبلكم چان رايــــــح راد
    مرجوحه الحبل ماجيت ياهازوز
    وتلولي اعلى كيفك لوتصير اوتاد
    شلون الكوفه لطمت والفرات ينوح
    مو تدري العراق يگود ما ينگــاد
    نهرين العراق اتوزرن صوبين
    بالعباس رگصــــــن بالشنق رداد
    هَوَس كل نخلنا اوعرست ذ ي قار
    والخريط حنه اوخضبت بـــــغداد
    والبصره ابعراضه اتلگت المشخاب
    والكوفه وحلبچه الجرح صاحن هـاد
    ملح الفاو لف روحه ابورگ زيتون
    وحسين وعمر سيروا يم فرهــــــــاد
    واهل الشطره خضوا من لبن اربيل
    وشماغ السماوه لراوه صار اشداد
    شور دم شعبنا اوعلگ اهل الموت
    صف ابصف نصفكم للذبح يوغـــاد
    طز ابشعر شاعر يحزن لصدام
    اوطز ابكل منافق سرسري اوگــواد
    طز ابدمع رغده اوكل لحايه السوء
    اوطز بكل زنيم الحد عليه احداد
    تبچي ابيا وجه باچر تلاجي الناس
    اوگلي اشتعتذر لوردت ترجع غاد
    امس صدام يذبح بالعراق اتگول
    شلون الذبح هسه اعلى الذبيح اضماد
    تبا للنفوس الطاعات ال ابليس
    اوسحقا للاقلام المجدت جـــــــلاد
    دگدگتوا اعلى ظهره ابلا ورع لوخوف
    اوچانت حدر نعله اخشومكم سجاد
    بعتوا الدم رخيص انتعل موته الباع
    ماعدكم ضمير اوشرف لا رداد
    زحتوا العرگه كلش من گصصكم ليش
    ماضيكم زفر مابس كفاكم عـــــاد
    والله الدم يعثر والوطن مبخوت
    اومن دون الدول بغداد تطي امراد


    مشير السعيدي

      الوقت/التاريخ الآن هو الثلاثاء أكتوبر 16, 2018 8:16 pm