موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    ازدحام للعراق العظيم

    شاطر

    ازدحام للعراق العظيم

    مُساهمة من طرف المشرف العام مشير السعيدي في السبت يونيو 21, 2008 12:48 pm

    ازدحام
    ــــــــــــ
    انت قصه اشكبر قصتك ياعراق
    تبلعك الدنيا اوترد تبزغ تمــــــــام
    انت حيره اوامرك انت اشكد عجيب
    يوم سعفه اويوم سياف اوهمــــام
    يوم كلها ابصحنك امثيعه اوتلوج
    اويوم كلها اسهام باحشاشك تِنــام
    يوم لوعه اومايصح خبز الشعير
    ايوم نبني اقصور بانواع الرخــام
    يوم ساج ابفالتك ناحر فريج
    اويوم بغدادك بخت وارض السلام
    انت ماتشبه حقيقه ابهل الوجود
    لجل هذا ابابك الدنيا ازدحــــــــام
    انت اطهر من طهر هذي الحياة
    وانت نقمه اوطاحت اعلينه انتقام
    الله ورطنه ابعشك ارض العراق
    لان منك شاء ربك يطلع المهدي الامام
    وانت لوله حسين ابو اليمه اوعلي
    جان بالطف ياوطن نقره الســـلام
    انت سجادة محمد ياعراق
    وانت ارضك شرفت بيت الحرام
    اليوم دستورك طلع يمحي الظلام
    اليوم كلها اتصافحت ماظل خصام
    اليوم تاريخك بده اوشع اوينور
    اليوم مكبوده كبد كل الئـــــــــــــام
    هَلـَه هَلـَه اليوم مسرور العراق
    اوبانت الشاره على اولاد الحـَرام
    انوب بالميزان كل حق مايضيع
    الدنيا لجلك ياوطن قامت قيـــــــام


    مشير السعيدي

      الوقت/التاريخ الآن هو الثلاثاء يونيو 19, 2018 4:05 pm