موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    اسحگ ياوطن

    شاطر

    اسحگ ياوطن

    مُساهمة من طرف المشرف العام مشير السعيدي في السبت يونيو 21, 2008 12:56 pm


    اسحك ياوطن
    ـــــــــــــــــــــ
    يتوجه اعلى اخوته البي كصت دنياه
    امسَنِح وانت اخوتك بيك تِتوجَـــــــــــــه
    تردس فوك صدرك وانت ماتغتاض
    ماخنت الحليب ابزود وابرجَـــــــــــــــــه
    تنزف ياوطن ومحاظـَن اوي الموت
    ومعره الجنايز لِلنجف سِجَـــــــــــــــــــــه
    تلاوي الموت من يومك فلا لاويك
    داخ الموت بيك احتار بس انته العوج فجَـه
    اشكثر انت شديد اشكد رزن بالكاع
    وي حسين عاقد مالج الملجــــــــــــــــــه
    جم حوت التوهدن بيك غص اوغاص
    اوجم شارب لويته اوطاح صاروا للجزم فرجَه
    انهض ياوطن واسحَك عليه اوكوم
    ماني ابلا وطن خلصان وخلافـَك ولا نِجَــــــه
    شب اوجاغ ظيفك خل يكهوي الناس
    كل ميت ضميره اوجاغك ايحرجَــــــــــــــه
    والباعَك خِسَه وتلوك شيله اعليه
    لان غدار مثل الذيب وملثـَم لـَحد حنجَــــــــــــه
    مكناسه لحيته اويسفي بيها الدود
    والدشداشه نص اردان بيها امجفن الورجَــــه
    من تسمع كلامه اتكول يارحمن
    بالنحوي ضـَليع اويحسن الحسجَـــــــــــــــــــــه
    بس اصفر وجه حامل حقد مذبوح
    مايئنب ضميره امزرف اوشبجَـــــــــــــــــــــه
    بريء الدين منكم ياردايه الناس
    عَـلينـَه الدين كله اونكهته اومسجَـــــــــــــــــــه

    مشير السعيدي

      الوقت/التاريخ الآن هو الأربعاء ديسمبر 19, 2018 7:58 am