موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    صحوة الضمير

    شاطر

    صحوة الضمير

    مُساهمة من طرف المشرف العام مشير السعيدي في الخميس يوليو 03, 2008 9:30 am

    =blue]18] [صحوة الضمير
    ـــــــــــــــــــــ
    ياصحوة ضمير اومعدن الوجدان
    ياانصع صَحيفه انكتب بيها الديــــــن
    محمد خط بديه اعلى المَتِن عِنوان
    باب المدرسه الكرار وِكتاب الدِروس حسين
    يااول درس نقراه بالارحام
    اوي اول رضاعَه انشربَه بالتكويـــــن
    اهو اليرضـَع صِفاتـَك والصفه ابقران
    صك صاغ اوسليم ايفوز بالداريــــــن
    يالنـَحرَك مناره اتشِع بَخـَت وافكار
    ياوجه الحقيقه الماغفـَت يوميـــــــــــن
    ورَثنا ابدم وريدك كِل رباطـَت جاش
    واثنين ابعظم صَبرَك ماكو مِختـَلفيـــــن
    يااطول صَبر والطاوِلوك اقزام
    والطال اوي طولك طوله ظـَل شبريـن
    انت المانـَحَر نـَحرَك رَمح لوسيف
    اميه ابدم وريدك همه منتحريـــــــــــــن
    يملاجي النبال ابوجه مَلكه الظيف
    اوتعرف وَكِح ظيفك مايـِنـَزِل عيــــــــن
    صَلِب صَد انثنت بيك السمر والبيض
    تصيبَك ماتِشطرَك تِنشِطِر نِصيـــــــــن
    عِطـَش نـَهر الفرات اوچـِفِتينه اتفور
    مِن دَمَك رويته اوغيرة السَبعيـــــــــــــن
    طفت عينه اليگول انت طحت للگاع
    هيه الگاع گامت شالتك يحسيــــــــــــــــن
    ولادم النزفته اندثر تحت الگاع
    نزل جبريل شاله اوصعد علييـــــــــــــن
    زرَع بينا مصابَك دَمِع جَت السيل
    ماشَحَت دمِعته البـِچَه اعليك اسنيــــــــــن
    نِفـَس يحسين تصعد تنزل اوي الروح
    عِشنـَه الدنيا بيك اوجَنـَه يوم الديــــــــــــن
    يالطـَفـَك شَمِس عَسعَس سِكون الليل
    وضحَه اتضوي شَمسَك دَرب المتيهيـــــــن
    مِن طـَفـَك مواقِف دِرسَت الثوار
    بَس الدرس طـَفـَك نال حور اوعيــــــــــــن
    لاويت السيوف اولاذ بيك الموت
    واتشاهد بديك اوسِجَد عزراييـــــــــــــــــن


    مشير السعيدي



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو السبت مايو 26, 2018 1:32 pm