موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    عشك مفضوح لاهل البيت عليهم السلام

    شاطر

    عشك مفضوح لاهل البيت عليهم السلام

    مُساهمة من طرف المشرف العام مشير السعيدي في الإثنين سبتمبر 08, 2008 6:51 pm



    عشگ مفضوح
    ـــــــــــــــــــــــــــ
    مو مثلي جميل اولا بثينه احباب
    ولا قيس اوي ليلى اوعاشگ اومعشوگ
    انه عشگي مصيبه اوبيها الف طلاب
    عاشگ بالخيال اومبحر اوي الشوگ
    ماشفته اوعفسني اوهام گلبي اوياه
    دولبني ابغرامه اولعب بيه اطروگ
    ليل العشگ واهس سمر لذه اوشوگ
    بس عشگي الحبيبي اتگول عسر اطلوگ
    ثوب العشگ ستري ابغيره اظل عريان
    اوياثوب الاگدره امخرگن اومفتوگ
    بس ثوب الولايه اوياي حج واحرام
    للسابگ ابكلشي ابكلشي مامسبوگ
    چا حگي امن اسلطن بالعشگ وياه
    واحط نحري اعلى شفرة سيف مامحگوگ
    گلبي امن الولاده اثنعش وذره انشاف
    امي اتگلي گلبك من صرت مشروگ
    ثاريني ابرحمها اتشيعت لحسين
    اوكل وذره امام اوي الگلب مشبوگ
    يعني امن الاصلاب العشگ بالجينات
    والعتره او محمد بس علينه اتلوگ
    حبهم فرض سادس لانقاش ابهاي
    بالدم والوراثه امخثر او مطروگ
    مو بس جون عشگه ايجنن المجنون
    انا امن اصله عگلي ابلا هرش وعروگ
    عندي الانه اطلابه اوي البعض وتغيض
    بس اعلى الولايه امسودن اوملهوگ
    جن بيهم يعاذل جرب اشخسران
    مبخوت ابرگبتي اختار شرط الضوگ
    كلهم طعم واحد صنع رب الكون
    واحدهم كِتاب اولاحرف مبيوگ
    صحصح من سباتك گرب يوم الدين
    وافصح عن ضميرك لاتظل مخنوگ
    يوم الحشر حبهم ثق ينجي الناس
    تتخورس لسنها الحشر شگ حلوگ
    خاف اتگول الوذ ابكتر هذا اواذاك
    كلها اتصيح روحي الطاگ والمطگوگ
    ماتنفع اموالك والولد والجاه
    بس توقيع حيدر عن سقرها ايعوگ
    فـَي شجرة السدره الشيعة الكرار
    واهل البيت بالسدره اتدله اعثوگ
    يعني المايحبهم لايفجر الناس
    صينيه ابجهنم من لضاها اريوگ
    والامر الناهي الانزع الصنديد
    بيده اعلى الصراط ايسوگ بيهم سوگ




    مشير السعيدي

      الوقت/التاريخ الآن هو الأربعاء ديسمبر 19, 2018 8:08 am