ياضنوتي

ياظـَنوِتي

ــــــــــــــ

ياظـَنوِتي راح إلعمر عَدَه إوجِزَتنـَه إسنينـَـــــــه

بمك وابوك اگصه إلكُبُر يبني اشكثررَبينـَـــــــــــــه

ياما سَهَرنه إسنينـَك ليل اودمع بونينـَــك

تاليها يَبني إبلا وَرَع تِرمينـَه



بيك إحمَلِت تِسعَه إوكَسر آه ماگِلِت لاهيهــــــــــات

يبني وابوك اصبح شمع ذاب اعلى دربك دمعات

تِهجرنـَه مِن حَل إلوِفـَه وِيزانـَه مِنـَك شو جـِفـَــــه

لا يَولِدي رَبَك إمَر توفينـَـــــه



يَبني إنكسَر ظـَهري إوشِبـِت وعيوني ماتِنـــــــدَل دَرب

مابيَه أنوض إو لو گِمِت بـِجدامي يَبني أسحَب سَحِب

رَبَيتـَك إلهذا إلقـَدَر تِحميني يمَه إمن إلكِدَر

شنهي إلجَرَه يَصبَيـِتي ناسينـَه



يَبني إلوَكِت بمَك زَرَه آلـَمني والله إصوابَه

يَبني إوتِمَنيتـَك ستر يـِنخَه إليطيح أحبابَه

ميَت هَلـَه يمَه إلجيت وإتذ َكَرت يَبني إرباي

وأكثر يَيُمَه إن ماجيت يامهجـِتي أو ياعيناي

ربك كريم ابرحمته ايبارينه







مشير السعيدي