زينب انا زنجيل للعقيله عليها السلام

زينبانه
ــــــــــــــ
غصن زيتون امنه زينبانه
فرع شجرة محمد زينيانه
فزت بثنين دنيا اودين اخت سبطين
كفيلي الزين ابو الچفين
اخت عباس بيرغ زينبانه
وزير اعلام طف ابن الزچيه
ــــــــــــــــــــــــــــ
وزير اعلام صوتي ماهديته
ابغير الحق كلامي ماهديته
ابعلم واصرار دربي ماهديته
من قصر الاماره الداخ بيه
ـــــــــــــــــــــــــــ
داخ امن اول احچايه ونخلاي
تضعضع من سمع هزي ونخلاي
حسني ابعينه سلايه ونخلاي
ابوي اوگمت اسولف شقشقيه
ــــــــــــــــــــــــ
اسولف للاجيال اشصار ماصار
الطف عن چفيلي اشصار ماصار
بغواعباس امير ايصير ماصار
ابجيش حسين صار امر سريه
ــــــــــــــــــــــ
ابجيش حسين اخوي ارتفع علماه
امصيت وال اميه اتخبر علماه
تعده اشچم فقيه اوفاض علماه
اووفه اوايثار من حيدر سجيه
ــــــــــــــــــــــــــ
وفه اوايثار عده عــده غيره
انفرد بيهن تميز عـدى غيره
يمينه انگطع ماهم عده غيره
يساره اوبيها جاب الماي اليه
ــــــــــــــــــــ
يساره اتحاوشتهم بيك مابيك
وصل حلگه الفرات اوگال مابيك
شلون اشرب وذرة شرف مابيك
تشح بحسين وتبوس بديه
ــــــــــــــــــــــــــ
تشح وتريد اشربك عجب ياماي
وابو تراب الذخرني اليوم ياماي
ابشري وگري عينچ صاح ياماي
صرت لحسين يوم الطف ضحيه
ـــــــــــــــــــــ
ضحيه الاربعه لحسين راحات
اوعلينه لاتفركي ابيوم راحات
ابچي اعلى االوكتها صار راحات
اوسحه منها خدرها اوعال بيه
ـــــــــــــــــــــــــــ
سحه اومنه همومي حيل ثقلين
خدر زينب يوازن ثلث ثقلين
الصراط الثقل اخت عباس ثق لان
ثقل السبعه زينب على الوطيه
ـــــــــــــــــــــــــــ

مشير السعيدي