من طرف سچچ الغربه
ــــــــــــــــــ
لملمت الطوارف من عمر متعوب
اوسچيت ابسچچ بس الله يدريها
امشي بعين وحده اتعثر ابممشاي
اوعين اعلى العراق البچي امطفيها
انگل جدمي خطوه اوخطوتين اردود
احس چانون حدر اجدامي يچويها
اسمع صوت بذني الصوت اجه امنبعيد
وَي يَفلان چنك صدگ ناويهــــــا
اشلون اطاك گلبك تجفي عن بغداد
اذا تمشون كلكم من يظل بيـهـــا
واذا فزت وحيده ابين ناس اجناب
من يمسح دمعها اومن يلوليهـــــا
اعلى واهسكم تنام وتحظن الصفصاف
اونوارسها اعلى واهسكم مغانيهـا
وانه ابغير واهس وي ملط الروج
اغط وانبگ بعيد اهوايه چاليهــا
مشيت ابدربي الاظلم ليل يعگب ليل
غفله اسنين عمري الليل يطويهـا
ماظلت محطه اولا عگبني الريل
مبحر وي غربتي المدري تاليهــا
شفت اشكال وارناگ الدول والناس
ماكو ابلون دجله اوسحر شاطيها
ادگ ياباب وانا امنين اشوف الباب
ساكن وي موته اشلون احاچيهـــا
حاط ايدي اعلى خدي اوآه تبلع آه
مره ابچي اعلى روحي ومره اسليهــا
اذبل وي صفتني ابحلم وسط الهور
حميد ياحميد سكته اغنيهـــــا
واتكهكه چذب نوبات اظن بطران
امعاند وي روحي اوگوه الاشيها
تحاصرني القصيده الغربلتها اوياي
بس ابتلي اكتبها ادموعي تمحيها
تدور ارحاي تطحن بالعمر بسكوت
انا امنيدي اوبديه ابعمري الاهيها
هلي يشراف وذن وانا صايم شوگ
غريب انا اوهواكم روحي باليهـــــا
تواسيني البعدكم ذكريات اسنين
تعبت ذكرياتي اوصرت اواسيهـــا
راودها بشراسه اوعفت من ابليس
ايس واستحه اوماگدر يغويها
مشير السعيدي
ــــــــــــــــــ
لملمت الطوارف من عمر متعوب
اوسچيت ابسچچ بس الله يدريها
امشي بعين وحده اتعثر ابممشاي
اوعين اعلى العراق البچي امطفيها
انگل جدمي خطوه اوخطوتين اردود
احس چانون حدر اجدامي يچويها
اسمع صوت بذني الصوت اجه امنبعيد
وَي يَفلان چنك صدگ ناويهــــــا
اشلون اطاك گلبك تجفي عن بغداد
اذا تمشون كلكم من يظل بيـهـــا
واذا فزت وحيده ابين ناس اجناب
من يمسح دمعها اومن يلوليهـــــا
اعلى واهسكم تنام وتحظن الصفصاف
اونوارسها اعلى واهسكم مغانيهـا
وانه ابغير واهس وي ملط الروج
اغط وانبگ بعيد اهوايه چاليهــا
مشيت ابدربي الاظلم ليل يعگب ليل
غفله اسنين عمري الليل يطويهـا
ماظلت محطه اولا عگبني الريل
مبحر وي غربتي المدري تاليهــا
شفت اشكال وارناگ الدول والناس
ماكو ابلون دجله اوسحر شاطيها
ادگ ياباب وانا امنين اشوف الباب
ساكن وي موته اشلون احاچيهـــا
حاط ايدي اعلى خدي اوآه تبلع آه
مره ابچي اعلى روحي ومره اسليهــا
اذبل وي صفتني ابحلم وسط الهور
حميد ياحميد سكته اغنيهـــــا
واتكهكه چذب نوبات اظن بطران
امعاند وي روحي اوگوه الاشيها
تحاصرني القصيده الغربلتها اوياي
بس ابتلي اكتبها ادموعي تمحيها
تدور ارحاي تطحن بالعمر بسكوت
انا امنيدي اوبديه ابعمري الاهيها
هلي يشراف وذن وانا صايم شوگ
غريب انا اوهواكم روحي باليهـــــا
تواسيني البعدكم ذكريات اسنين
تعبت ذكرياتي اوصرت اواسيهـــا
راودها بشراسه اوعفت من ابليس
ايس واستحه اوماگدر يغويها
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد