سحر العيون
ــــــ
ألذ مابيك صوتك مِن يرن بأذني
موسيقى إولحن وي صوتك إتشدنـي
وأرجف كلي من صوتك رجف بردان
وأخذف مدري خايف لو يدغدنــي
ياخذني فكر وتردني كثره افكار
واسهى إيعيد صوتك يرد ينتلنـــي
وألذ مابيك إسمك من يجي إعلى البال
يلعب لِعِب بيه إوحيل يخبصنــــي
هذا إسمك إوصوتك لعب بيه إطروگ
چا گلي إمن أشوفك شتعرف منـــي
يالمبعد تعال إوجرب إمن الروح
جَلبني إعلى كيفك خلبص إوحلنـــي
يل هليت وي آخر سواد الراس
إوبطراف إلسنين إلباقيه إبسنــــي
زاعلت إلظِحِك طلگت إلافراح
بس گلبي رچيچ إوبيك وهدنــــي
تِوكل گول يالله إوخل نِكمل إلسير
ولو أدري عليك إلناس تحسدنـــي
خل تحسد تنمنم واليگول إيگول
إوجدام إلوشالك ولفي غازلنــــي
وإشبگني شبگ لفني إوي طولك طول
إوظم راسي إعلى صدرك وإبچي وإحظني
إوخل تعرگ إبچفك چفي وتذب ماي
وإبجيدي إعلى كيفك قَبل إوشمنــــي
إومسدني إبيمينك وإمسَح إعلى الراس
وإبحرگة إمفارج هزني وانكثنــي
لان آنا إمنشوفك مني روحي إتذيه
بعيونك حبيبي إمن أصد تِسحرنـــي
منا إمشذون وإجيتك منك أبغي إمراد
مردتني إلسنين إبشوگ سامرنــــي
تعال إودش لگلبي إوزعبل إشمابيه
إونظفه إمن إلعتيج إوللزغر ردنـــي
إولوليلي إبدلول إليهل يهواي
إورضعني حنان إبعطف گمطنـــــي
وإكتبني قصيده إوبيه بَحِر زين
وإقراني إعلى كفيك لَمن تحفظنـــــي
وإذا مليت شگها إوذبها وي الريح
إوحرج ورقتي إومن گلبك إشطبنــــي
لأن بيه إلتَعَب يهتك صبر أيوب
ولايعقوب وَن لَبنَه مُل ونــــــــي
وألذ مابيك كلك ياألذ مني
ياگبل إلفرح هليت تِفرحنــــــــي
مشير السعيدي
السبت مارس 16, 2013 12:11 pm من طرف المشرف العام مشير السعيدي
» الضلع والصراط
السبت مارس 16, 2013 12:06 pm من طرف المشرف العام مشير السعيدي
» الطف بين الشام والشام
السبت مارس 16, 2013 12:04 pm من طرف المشرف العام مشير السعيدي
» الحسين هويتي
السبت مارس 16, 2013 12:02 pm من طرف المشرف العام مشير السعيدي
» هوسات عامه
الأربعاء نوفمبر 21, 2012 4:10 pm من طرف المشرف العام مشير السعيدي
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
الجمعة نوفمبر 02, 2012 11:33 am من طرف المشرف العام مشير السعيدي
» مجموعة ابو ذيات ومساجلات
الجمعة سبتمبر 14, 2012 1:26 pm من طرف المشرف العام مشير السعيدي
» لمخ لص للعراق
الجمعة سبتمبر 14, 2012 1:24 pm من طرف المشرف العام مشير السعيدي
» عايداني للعيد
الجمعة سبتمبر 14, 2012 1:22 pm من طرف المشرف العام مشير السعيدي