موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    قصيده لميلاد المجتبى عليه السلام

    شاطر

    قصيده لميلاد المجتبى عليه السلام

    مُساهمة من طرف المشرف العام مشير السعيدي في الجمعة يونيو 26, 2009 7:31 pm


    المجتبى
    ــــ
    اليوم يوسف ثاني هل بيها إووضَح
    اليوم حاتم لَملَم أسبابَه إورَحَـل
    اليوم عنتر نَسبَل إوخايِب نِزَح
    لِلمَلاعِب طَبها ظرغام إوبَطَـل
    اليوم كوكَب بالارض شَع إوصِدَح
    إوغَطَه نورها إشموسها إوغَرَب زحل
    اليوم صّدر المصطفى إبعز إنشَرَح
    اليوم أول عود ريحان انشَتَـــــل
    اليوم حامي الجار خاواه الفرح
    اليوم بسمار ابگلب رَبعَك هُبَــــل
    هذا شبَر بالوغى ابسيفه نِدَح
    هذا ذو الفَقار ثاني جَل وأجَــــل
    هذا ريحانة محمد عز نِضَح
    هذا بالكلفات أبداً ماجِفَــــــل
    هذا مِن عترة محمد بالبشر
    هذا ايه اوبيها وحي الله نـــزَل
    صاح صوت الباري لبالِچ نِداء
    يالزچيه أطاچ معصوم أوفحَــل
    مُنحَه رابع مَنزِلَه إمن أهل الكِساء
    بي ملايكته تباهَت مُذ وِصَـــل
    إحتار قلمي إشيكتِب اليوم اشيگول
    لو بَحَر حِبرَه إلمَدِحكم هم ظَحَـل
    انا ذاك انا إلموالي الماصِفَح
    انا شيعي إوجعفري إبحبكم أظَـل
    انا بيكم من تِظيج الدنيا الوذ
    واليحِبكم ليه جَهَنَم ماتِصَــــل
    إنتوا مفتاح إلسِمَه إوكتب الارض
    والقَراهِن فاز صَك أبيَض حِصَـل
    إنتوا زَمزَم فاض بالعز والشَرَف
    مِن عِلِمكم حتى ضِدكم هَم نَهَــل
    إنتوا عنوان إلشِمايِل والشَمَم
    أنتوا يَم بالكون ماجَف إووشَـــل
    وإليِضِدكم مِنتِحِر حيا وميت
    بالحَشر مبخوت راكِس بالوحَـــل
    يوم مايشفَعلَه مال إولا بَنون
    إبليس شَفاعَه إبنِعِمتَه إلي تِفَــــل
    وإحنَه يِشفَع بينا حيدر وإلبَتول
    إوتِشفَع إلنَه اچفوف عباس إلچِفَــل

    مشير السعيدي


    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الإثنين سبتمبر 24, 2018 11:59 pm