من طرف حسين ضاكت
ــــــــــــــــــ
حسين ضاگت وإلظـلم بيها إنتِشَــــــــــــر
إوصِرنا بالواقِع نِقـر قِسمَه إوقـَــــــــــدَر
ــــــــــــــــ
صِرنا بالواقِع نِقر يابو إلشِيَــــــــــــــــم
وإنته بينا حسين غارِسها إلقِيَــــــــــــــم
يوم عاشور إبدِمَه إلواقِع رِسَــــــــــــــم
دروس من صَبرَك يبو إلغيرَه إوعِبَــــــــــر
ــــــــــــــــــــ
ثورَة إلطـَف بيها طـَرَزت إلشَرَف
يوم حيدر بي تِنومَس بالنـَجَـــــف
موقِفـَك يحسين من ذاك إلسَلـَــف
حَتما ً أسلافـَك علي إوسيد إلبَشَــــــــر
ــــــــــــــــــــ
حَتما ً إلموقِف تِشَيدَه إلتـَضحِيَـــــه
وِإنتـَه إبو إلسَجاد سور إلناصِيَـــه
وِإلبَغـَة تيجان هِيَه إلباغِيَـــــــــــه
حسين لـَجل إلدين ضَحيت إبنـَحَــــــر
ــــــــــــــــــــ
حسين بالموقِف ظـَرَب أروَع مِثال
سِجَد لله إومارِكَع لِلذِل مُحــــــــال
ذو إلفِقار إبچَفـَه كـَسوَر لِلرِجـــال
وِإلظلم مولاي بالطـَف إنتـَحَــــــــر
ــــــــــــــــــــ
ياغـَريب إدماك غِسلـَت كونـــــها
فـَزَز إلنامَت خـَدَر بأفيونـــــــــها
وَسفـَه غـَبرَه إلبَعَض مايـِقرونها
وا لـَف إلغربَه إونِسَه إحساب إلسَقـَر
ــــــــــــــــــــ
ياغـَريب أنخاك جارَة غـُربتـــــي
بَس دَمِع عيني يـِخـَفِف وَحشِتـــي
إلكـَربَله إشتاگيت وِإلكِل ديرِتـــي
إتحاوِشوها إلدار ظِلام إوتـَتـَــــــــر
ـــــــــــــــــــــــ
گوم سِل سَفـَك عليهم سَيـِـــــــدي
إنتـَه وِإلعَباس وِإنخـَه إلأسَـــــدي
إوحَشِم إلضرغام حَمزَه إلأصيَدي
ليها إبن مَرحَب لِفـَه إلخيبَر ثــــــأر
ـــــــــــــــــــــ
يالكـَفيل إشلون تِقبَل غيرِتـَــــــــــــك
ياگمرها أنجاس تِدنِس تربـِتـَـــــــــك
بيك لاذ َت من هَظلها شيعِتـَـــــــــك
اوبيك خاطرها يبو الغيره انجبـــــــر
ـــــــــــــــــــــ
بيك خاطرها انجبر كل شيعتـــــــك
وِإلبـِيارِغ رَمِز موقِف رايـِتـَـــــــك
شَوِر إوبَيـِس إمامي إبشارِتـَـــــــك
إوذ َ كِـِر إلتاريخ عَن يوم إلنـَهَـــــــــر
ــــــــــــــــــــــــ
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد