من طرف زينب ياعلي تنخاك
ـــــــــــــــــــــــــــــ
زينب ياعلي تنخاك وحيده اوحايطوها اعداك
گوم اوهد عليهم گوم يومك ياوليها اليوم
بالطف خل يرف اللواك
&&&&&&&&&&
بالطف ياوليها اتريد مجدك وي قريش اتعيد
بويه حسين ظل اوحيد
حاطت بي جيوش ازياد
لن يدرون اخوته ابعاد
شبلك ياعلي اوعيناك سوه ابجيش اميه افلاك
بالطف خل يرف اللواك
&&&&&&&&&&
شبلك صال بيها اوجال عبره اودرس للاجيال
بويه اوي الحسين اشبال
واحدهم سبع ضرغام
يزئر لوتحده اوگام
صاحوا يالحسين اوياك ابشر بالنحر نفداك
بالطف خل يرف اللواك
&&&&&&&&&
ابشر صاحوا الانصار يبن المرتضى الكرار
عار اعلى اليعوفك عار
يخسه ازياد وسيوفه
نگلب فوگها الكوفه
احنه اسيوفك بيمناك يحسين ابعهدنا اوياك
بالطف خل يرف اللواك
&&&&&&&&&
انا زينب ياعلي ترضه اظل ابلا ولي
اشحالي من طاحوا هلي
بويه دولبني زماني
تعب امتوني اوخواني
بنتك واريد احماك منهو الي گدر يلواك
بالطف خل يرف اللواك
&&&&&&&&&&
حيدر مالواك احد حسين ابكربله استوحد
وسفه الشمر من يصعد
فوگ حسين ويذبحه
اويلچم بالشتم جرحه
ريتك يالصميده هناك طاح اومانخيت اسواك
بالطف خل يرف اللواك
&&&&&&&&
حرموا عل الاطفال الماي عالوا يالصميده اوياي
ماظنيت ترضه ابهاي
اعرفك بالكلايف حيد
صگار الزلم صنديد
يوم الطف ردت ملگاك مهظومه اوچنت برجاك
بالطف خل يرف اللواك
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد