موقع الشاعر مشير السعيدي

موقع الشاعر مشير السعيدي

شعر شعبي

التبادل الاعلاني

السلام عليكم على بركة الله افتتح منتدانا المتواضع هذانرجو ابداء ارائكم الكريمه لانها تهمنا كثيراالشاعرمشير السعيدي

    صف الحق ليوم الطف

    شاطر

    صف الحق ليوم الطف

    مُساهمة من طرف المشرف العام مشير السعيدي في الجمعة يونيو 26, 2009 7:49 pm


    صف الحق
    ــــــــــــــــــ
    عاشِر يوم بيه اتگابلـَن صَفين
    صَف الحَق سِلاحَه اوصَف سِلاحَه اسيـوف
    صَف يركَع يصَلي ابين ايدين الموت
    اوصَف حاقد لئيم امن الحقد مخطــــــــــــوف
    صف أطوال وي كل الصفات اطول
    اوصف اقزام من كل القيَم مشطـــــــــــــــوف
    صَف يجدَح شرار اوكل شراره ابجيش
    اوصَف اشباح جيش اوزلِم بس بالشـــــــــوف
    صف يزئـَر غظنفر من يدح مطرود
    طوف الكعبه حول حسين صَفـَه ايطـــــــوف
    صف عريس واگف مبتشر للموت
    صابر محتسب والشرف بي زافـــــــــوف
    صَكَت والرماح امخالف اعلى حسين
    عيت واظلـَمت واضحه الگمَر مخســــــــوف
    شـَحَب لون النهار اوليل خيم بيه
    خِجَل گرص الشـَمِس عِز الظهر مكســــوف
    من شـَد الرسَن واغتاض ابو السجاد
    عتمَت غيمَت مطرة جثـَث واچفــــــــــــوف
    صال اوسيفه يصهل دح يَمين الكوم
    والعباس دح امن اليسار اصفـــــــــــــــوف
    كِسروا جيش اميه أشبال داحي الباب
    صَف ايطيح صرعى اوصف تصَفصف خوف
    راوهم فعل زلزل خزي التاريخ
    شي موصوف چان اوشي فلا موصــــوف
    طـَف عاشور صَفحَه اتوضه بيها الكون
    بأهل البيت سافر كِل سَطر بطفــــــــــــــــــوف
    رسَم دمهم خريطة حكمة الاديان
    شاخص لِلطغات الركنت المعـــــــــــــــــروف
    خِلق رب العَرش لـَهل الكساء الكون
    سَبعَه اوسَبعَه الهم والبقيه اطــــــــــــــــــوف
    بگصصنا شرف يحسين ماتنزال
    اوياشيعي الشرفكم ياحسين ايعـــــــــوف
    توشحنا ابشيمكم درع يوم الموت
    شيفتگون شعيتكم جديد اتـــــــــــــروف
    ذبحوا بالمشانق فرحة الاطفال
    بگماطه الطفل من ينذبح مچتــــــــــوف
    راونه الهوايل چي نحب حسين
    اودفنوا كل شبابك ياحسين اوگـــــــوف
    نظل نهواك ونعشگك عشگ بجنون
    اوخل المايحبك ينفخ ابمــــــــــزروف
    واذا للبيت مره ابكل عمرنا انطوف
    لحسين العمر كل يوم سبعه انطـــــوف





    مشير السعيدي



    _________________
    انه الماصَر ضميره أوعَلـَگ الوجدان
    صَر اهموم رَبعَه ابزحمة اكواره

      الوقت/التاريخ الآن هو الإثنين أكتوبر 22, 2018 5:39 pm