من طرف ابو ذيه اهل البيت
ـــــــــــــــــــــــــــ
صفحات البغي لفلفها وطه
ابجدمه اللات والعزه وطه
الكون الفاطمه اوحيدر وطه
اوللعتره انبسط مولالميه
ـــــــــــــــــــــ
الشعيه غير امام العصر شلها
وسعت والجروح اتريد شلها
انهض للحمول اثكال شلها
كصت بينا الحثاله اونسل اميه
ــــــــــــــــــ
يلاهي اشهَد لقيت الحجج وانذار
لبو صالح لرخص العمر وانذار
نِتـَف لو صير لا لو رمل وانذار
كل وذره تشايع للزجيه
ـــــــــــــــ
علي ابقالب نبي طينك وصابك
ابكتاب الله وصي ربك وصابك
ابسقر فاز الظرب هامك وصابك
وخله الدين بعدك بيد اميه
ـــــــــــــ
علي عَلـَه اعلى كِل عَليَه وطه
اوكل يَفنـَه علي طبها وطه
ابشفاعة حيدر الجنه وطه
اوعترتـَه البلكسا انجمعوا سويه
ــــــــــــــــــ
لجل طه اوعترته الكون هندس
مِعتمه ابغي كبلهم حيل هندس
قريش اسيوف شالت علن هندس
الو هابيه اوفعلهم فعل اميه
ـــــــــــــــ
فداكم دنيتي واهلي وعاني
حلمكم بالوسن لو مر وعاني
تعاني الناس من همها وعاني
لزيارة علي والغاضريه
ــــــــــ
يعيد الشوم وانا ابغرب هليت
شحم وادموم عيني اليوم هليت
اتراب اجدام حيدر ريت هليت
اعلى راسي هناك يم بعل الزجيه
ــــــــــ
الينشِد انا انشدنه وسيله
اشعندك غير حيدرنا وسيله
دمي الليله افيرنه وسيله
عل العباس واولاد الزجيه
ـــــــــــــــ
رخيص لموقفك يحسين دمنه
يل دمك سكانه اوريع دمنه
غالي حسين نلهج بيك دمنه
ولاننساك لنكوط المنيه
ـــــــــــــــــــ
هوايه اطفوف بس طفك طفلها
عيون اعداك بززها طفلهـــــــا
رباب اشلون من شافت طفلها
ذبيح اسهام غدر الغاضريه
ـــــــــــــــ
هنياءً للدعاك اوصاح سجاد
من مثلك يخلص الليل سجاد
حدر جدمك يريت الروح سجاد
تِطهَر لودستها الروح بيه
ــــــــــــــــــــ
عليه اضعاف مثل ايوب يارت
الدنيا اومن دليلي احشاي يارت
كمر هاشم واخوي حسين يارت
ميته اولاشفت ماصار بيه
ــــــــــــــــــ
انا ام الثلاثه اوكمر رابع
وي حسين يزهي العمر رابع
لبو السجاد كل ظيمي ورابع
ونيني اعلى البنين الفتك بيه
ـــــــــــــــــ
الوحي ابجدنا عرج ياناس واسره
اشحاله بالعلينه صار واسره
يتامه ابلا ولينه حسين واسره
اوشمر بالعيس يحدي ابن الدعيه
ـــــــــــــــــ
شعمل بيه الزمان اشفعل شفتك
نمت يحسين بويه ابحلم شفتك
يزيد ابخيزرانه ايلوح شفتك
شِغِت بويه اوطحت فوگك رميه
ــــــــــــــــــ
شخدم ياكريم البيت واشبار
ذرعت الكون كله امتار واشبار
مثلك ياشبير امحال واشبار
خلق ربكم مثلكم على الوطيه
ـــــــــــــــــــــ
جميل الخلق والاخلاق وسم
الهك كل صفاتك بيك وسم
ايد الاذتك يالحسن وسم
يضوگه القاط ربك غاد ميه
ـــــــــــــــــــ
شِري الفجعه يحيدر مردوها
چبد چبدك اميه مردوها
فعايل شوم فعلت مردوها
بحسن وحسين والزهره الزچيه
ـــــــــــــــــ
يحادي اضعون عيس حسين ونها
تهوج الروح مابطلت ونهــــــــــا
الي چانت عشيره واهل ونهــــــا
گصت ياليل باهلي اذناب اميه
ــــــــــــــــ
انا زينب يليلي وانا وانه
وانا ام الخدر خدري وانا وانه
يليل الشوم صبحك وانا وانه
اريد اوداع محبوب الزچيه
ــــــــــــــــ
ابيقضه لو لفتني اهموم والطف
رهيه اشما يزود الجاي والطف
انا زينب شهدلي الشام والطف
واخت عباس فحل الهاشميه
ــــــــــــ
بعد مااريدن اسنيني وباها
همومي اشلون اشاگفها وباها
طه ظنوة الزهره وباها
كلف فرگه الرسول اعلى الزچيه
ــــــــــــــــ
زماني امتوني تعبها وشلها
بيابي العين شف منها وشلها
طه خيط اجروحي وشلها
الزهره اتصيح ياسيد البريه
ــــــــــــــــــ
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد