زنجيل الامام المنتظر عليه السلام

زنجيل الامام المنتظر عليه السلام
ـــــــــــــــــــــــــــــــــــــــــ
هويتي حسين واضح من هويتي
يدنيا حسين شدچ من هويتي
فرشتي ابساط الاحمر من هويتي
غيره الچان مايملك هويه
ــــــــــــــــــــــ
هويه الچان مايملك ملكها
اوبعد حين ٍ يرد لله ملكها
ابيوم اليظهر المهدي ملكها
يطويها اوترد اردود اليه
ـــــــــــــــــــــ
ترد اردود واحديها وحاداك
يعاذل واعرف احدودي وحاداك
انصحك لاتظل مبعد وحاداك
اگرب والامام اثخين فيه
ــــــــــــــــــــــ
ثخين افياي مهدينا ومامون
رگب مؤمن سفينتهم ومامون
ماين لو نخيته امن ومامون
اعلى غيره لو شريج اوياي بيه
ــــــــــــــــــــــ
شريچ ابروحي امامي بل ملكني
والله ابصايته الجنه ملكني
شيعي وبعرش گلبه ملكني
اوملايكة السمه ايحيطون بيه
ـــــــــــــــــــــــ
ملايكة اعلى حبهم شيعتني
واحس بنبض ابگلبي شي يعتني
الف رحمه الرحمها ال شيعتني
اوصرت خادم العتره الهاشميه
ــــــــــــــــ
خادم عد نسل طه وبته
العتره اهروش دلالي وبته
روحي العشگ هاجرته وبته
عشگ واحد تنطره اولاح ضيه
ــــــــــــــــــ
ضي مهدي الهواشم لاح بسماي
انطره اسنين كون اغذاي بسماي
شيعي انا وغريمي ايحلف بسماي
بيرغ والصواري اتلوگ اليه
ــــــــــــــــــ
بيرغ فوگ عالي اسمي وراسي
اوضميري امرافج العفه وراسي
بالجينات احب حيدر وراسي
شيعي ابيوم ابوي ابظهر ابيه
ــــــــــــــــــــ
شيعي اعناد بالضدهم لجلهم
وعد ساعات واتنطر لجلهم
جيل ابجيل نگضي الليل آيات النزل ترتيل
ننطر زعگه من جبريل
شيعه وهارخص دمنه لجلهم
گول اوفعل حچي الجعفريه
ـــــــــــــــــــــ


مشير السعيدي