من طرف المخدره
ـــــــــــــــ
انتي زينب بت علي وبنت البتول
وانتي ام بيت النبوه امعتبـــــــــــره
انتي اخت عباس ثلام السيوف
تنحنيله افحول سبع الگنطـــــــــره
انتي زينب والنعم باخت الابات
حره معصومه اونقيه امخـــــــدره
انتي مخصوص انخلقتي الكربلاء
اوكربلاء حسين بيچ امصــــــوره
چنتي فارس كربله ابظهر الحسين
گدها والنعمين لبوة حيـــــــــــــدره
انتي صبرچ فاق صبر الانبياء
زينب اگبالچ رسلها امحيـــــــــــره
حيره زينب لو علي ايبين الصفوف
ست كتايب بالطفوف امعسكـــــــره
مره بيرغ يعتلي اخيام الحسين
اومره تبچي اعلى التوسد بالثـــــره
مره تفگد كل ثچاله البلطفوف
اومره للسجاد تمشي اتصبـــــــــــره
مره تمسح بيدها ادموع اليتيم
لو تلم شبان غضه امـــــــــــــــوذره
مره يم عباس زينب تنتخيه
اوهي بهموم الطفوف امكـــــــــــــوره
اتگله باچر بعد اخيتك من تصول
خل دماهم لليارخ محبــــــــــــــــــــره
يول بيهم يول حيدر بالنزال
سوها يالعباس بالطف ضغبـــــــــــــره
في تفي الجيش زينب لليطيح
تعتني المذبوح وتشد منحـــــــــــــــره
جيش ينحر جيش زينب لو مشت
من بعيد الجيش يرجع ليـــــــــــــــوره
هيبه زينب لو حچة تخرس فحول
خي اخيته اگبال بت حيدر مـــــــــره
يوم خطبة بت علي بمجلس يزيد
سوره من قران طه امشفـــــــــــــره
طلسم بيها العقل يشگه اويحير
در جواهر كل جملها امصطـــــــــره
هي حادي اضعونها ابمسره الضعون
اوهي حارس والجيوش امأســــــــــره
نعتني لزينب نزور ابكل زمان
ميه ميه اعلى المشبچ بالســـــــــــــــره
ذيچ گبة بت علي اتشع اوتنور
يايزيد اشلاك وين امطشـــــــــــــــــره
گبر عودك مزبله امعفن المچان
وانت عفنت القصيده الطاهـــــــــــره
انت وصمة عار لطخت الحروف
والقصيده ابت علينه امعطـــــــــــــره
مشير السعيدي[b]
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد