من طرف الشعبانيه
ــــــــــــــــــــــــ
يتلاطم غضبنا اوطفح بينا الكيل
يزكر والصبر يزكر مراجلنــــــــه
ومعاتت نعته اويعت بينا اردود
نصبر والحجي ايشكك مسامعنــــه
لان بينا الصبر موروث من حسين
بس حسين يصرخ واحنه ماجَنـــــه
اومن يوم الطفوف الصرخ بيها حسين
كلناله نعم يحسين امنــــــــــــــــــــــه
بايعنه الحسين اوعل العهد باقين
لكن جم شمر بالدرب بايعنــــــــــــــه
اذاً بينا الخلل ياشيعة اهل البيت
خل نحجي ابصراحه البلوه بلوتنــــــه
علنوها حرب والحرب كر اوفر
لافرينا منها اولا هي كرتنـــــــــــــــه
من نغتاض نِغضب حتى ملك الموت
نجفت لوجهنم حمره لاكتنــــــــــــــه
شفتوا اشلون يوم 15 شعبان
صرخ شعبان بينه اوفشك حزمنــــــه
هدينه انتواكح مكبل اوي الموت
وعيون المنايه ابغضب يحدنــــــــــــــه
عفسنا الدنيا كلها اوضاك بينا الموت
مبادئنه اوشيمنا زلم يدرنـــــــــــــــــــه
شبينا جهنم حدر وكر ابليس
دهايه ابليس كلهن مايطفـَنـــــــــــــــــه
طفانه البليه الادهه من ابليس
عطابات منه اوبينه جَوَنـــــــــــــــــــــه
سكتنه اسنين يابو اسنين واحنه انلوع
واخوتنه نيامه ابنغم لوعتنـــــــــــــــــــه
لمن حتى الحسين الصبر بيه اغتاض
صاح الله واكبر يالله فززنــــــــــــــــــــه
اوفزينا اولكينا الكاع حبله اكبور
تطلك بالشباب المن مراحمنــــــــــــــــــه
نِسَه واطفال رِضـَع تاوماها الموت
واهل الموت نصهم من كرايبنــــــــــــــه
اولممنه الجروح اوكلنه مات الفات
اوفيضنا الفرات ابجت مدامعنـــــــــــــه
اوسكينه الكاع وازهت والفرح زافوف
من دمنه تبين دوف حنتنـــــــــــــــــــــه
ذبحوا بين ايدينه العرس والعريس
وانكلبت مناحه اعلينه زفتنـــــــــــــــــه
طلع منه ضلع ومروشن ابشاخات
سددهن علينه اوطفه شمعتنــــــــــــــــه
بس احنه شمس ماتنظم ابغربيل
وانجوم الفلك تفتر بارادتنـــــــــــــــــــه
ياخير الامم من دون كل الناس
ياالله واكبر تخزي امتنـــــــــــــــــــــــه
اذا هاي العروبه البيها خصنا الله
متبرين كلش من عروبتنــــــــــــــــــــه
سفينتنا اووطنا حسين واهل البيت
والعباس رايه ابحد سفينتنــــــــــــــه
يظل شعب العراق اعيون تجدح نار
لانغمض ولا تنذل عزيمتنــــــــــــــــه
اويظل هذا العراق ايشع بخت للناس
محروس ابرسول الله اوايمتنــــــــــــه
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد