من طرف ليرة ذهب
ــــــــــــــــــــ
متهومه القصايد ماوفت وياك
لكفر بالشعر من كون مايوفيك
كل شاعر يجحدك دينه ناقص دين
خرسات القصايد لو نست طاريك
يادلو الفضيله اوبيرك الكرار
راوي الناس جود اوحيدرك راويك
ياباب المظايف والكرم بي باب
رب البيت ضيفك وانته ضيف اعليك
يضحك باب حوشك من يدگه الضيف
حيهم بالاجونه ايصيح للعانيك
اصل الحِسِن انته اويوسف التشبيه
مانصفوك ذوله الچانوا امشبهيك
طبق الاصل عنك صورته استنساخ
يوسف چان عاكس للوسامه البيك
يوسف مو الاهك يوسف امسميه
وانته الله ابجلاله شُبر امسميك
ياسيد شباب الارض والفردوس
وبهاي الكرامه حسين اليساويك
من يا نوع معدن صبك الرحمن
تيزابك علي اوخير البشر طاليك
ياليرة ذهب زينت جيد الدين
يازنجار يگدر ياذهب يصديك
رسله اوانبيائه ابسور مذكورين
وانت اكتاب ناطق ماخرس قاريك
ياسِجاد عرشه اوجنح جبرائيل
ينطح بالسراب الفارغ اليطويك
راد ابليس اميه يراودك نوبات
يخسه ابليس الاصلي ماگدر يغويك
موشيطان واحد لو الف شيطان
تركعلك ذليله اوساجده الرجليك
حور العين واشراف السمه والگاع
وميه ابطرف اصبعك تنثني اولبيك
ضريحك بالبقيع امسودنه الهدموه
مزار ابكل ضمير اوكل گلب بانيك
نقسملك قسم بچفوف راعي الجود
مرزاب البيابي ادموع من تبچيك
هانت والفرج لاح اعلى حد الشوف
علجنه البيارغ واتجهنه اعليك
بيد المهدي راية سيدي العباس
بالاف القصايد زحف من نحديك
والزهره ابكبرها اتگوم تحدي الناس
وتلمك بديها اوبالون اتلوليك
مشير السعيدي
ــــــــــــــــــــ
متهومه القصايد ماوفت وياك
لكفر بالشعر من كون مايوفيك
كل شاعر يجحدك دينه ناقص دين
خرسات القصايد لو نست طاريك
يادلو الفضيله اوبيرك الكرار
راوي الناس جود اوحيدرك راويك
ياباب المظايف والكرم بي باب
رب البيت ضيفك وانته ضيف اعليك
يضحك باب حوشك من يدگه الضيف
حيهم بالاجونه ايصيح للعانيك
اصل الحِسِن انته اويوسف التشبيه
مانصفوك ذوله الچانوا امشبهيك
طبق الاصل عنك صورته استنساخ
يوسف چان عاكس للوسامه البيك
يوسف مو الاهك يوسف امسميه
وانته الله ابجلاله شُبر امسميك
ياسيد شباب الارض والفردوس
وبهاي الكرامه حسين اليساويك
من يا نوع معدن صبك الرحمن
تيزابك علي اوخير البشر طاليك
ياليرة ذهب زينت جيد الدين
يازنجار يگدر ياذهب يصديك
رسله اوانبيائه ابسور مذكورين
وانت اكتاب ناطق ماخرس قاريك
ياسِجاد عرشه اوجنح جبرائيل
ينطح بالسراب الفارغ اليطويك
راد ابليس اميه يراودك نوبات
يخسه ابليس الاصلي ماگدر يغويك
موشيطان واحد لو الف شيطان
تركعلك ذليله اوساجده الرجليك
حور العين واشراف السمه والگاع
وميه ابطرف اصبعك تنثني اولبيك
ضريحك بالبقيع امسودنه الهدموه
مزار ابكل ضمير اوكل گلب بانيك
نقسملك قسم بچفوف راعي الجود
مرزاب البيابي ادموع من تبچيك
هانت والفرج لاح اعلى حد الشوف
علجنه البيارغ واتجهنه اعليك
بيد المهدي راية سيدي العباس
بالاف القصايد زحف من نحديك
والزهره ابكبرها اتگوم تحدي الناس
وتلمك بديها اوبالون اتلوليك
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد