من طرف قصيده ,,, للامام العباس (ع)
يامظلوم كافي النوم ,,, كوم وبين الشاره
ياراعي الشيم والشان ياكافل حرم واطفال
يادرع العقيده وسيف يلي اوياك محد طال
يحزام وظهر لحسين ياصايل ولا ينصال
يمغيث اليصيح الغوث يل بيك الحمل ينشال
كبل الصوت ليها تفوت ,,, تغيثه وتاخذ ابثاره
تاخذ ثار من ينظام وانته الماخذوا ثارك
شح نهر الفرات عليك ركيته وبانت اطوارك
يا سر يا لغز بالكون ظلت باطنه اسرارك
ياحامل لواء حسين شلته ومن طحت شالك
كلت حياك من ناداك ,,, قائد صرت لنصاره
عجيد وسيفك بيمناك تلكدها وتهج الخيل
يظلم من تصول الكون يغبر جنه نص الليل
تصفن ترتجف عميان تصرخ حل علينه الويل
فنه اليوكف اكبالك فنه الي عليك يعيل
تصيح الناس اجه العباس ,,, يرعد شبه كراره
صفاتك هاي يالعباس شانك اعظم واكبر
ساقي الي عطش بالطف وابن الساقي بالكوثر
كمر هاشم فحل صنديد تشك الكون من تزئر
غيور الحد مكص الراس فديت حسين بالمنحر
شكول عليك ماوفيك ,,, حيدر وشحك كاره
كارك كار داحي الباب جاذب من يكول اطيح
يوم الكنطره اشسويت تسبك من تصول الريح
بالطف يشهد التاريخ تهج آلآف من اتصيح
صاحت ويل اميه الويل سم جرعت تقيت قيح
تدح بعداك يرف الواك ,,, دوم مصيته اسفاره
لذنه بكتر ساريك نشكيلك مصاب سنين
طشونا على كبر الكاع ذبحونه على طروه الدين
روافض كالوا الشيعه جي نرفض نبيع حسين
هدروا دمنه من عاشور كضوا كالوا فلا كاضين
هذوله احنه فلا صحنه ,,, يصيح الخاف من عاره
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد