من طرف عرش كلبي
ـــــــــــــــــــ
دليني اعلى سِرك مو حِرِت وياك
يلساكن دليلي اشما ايـِسِه الكــــــــاك
ماظلت خليه اولاعِفِت شِريان
حتى الدم فحصته اومشترك بدمــاك
يابلوه ابحياتي اولِفت تالي الشيب
دهاء ابليس حِسنـَك ياترف فـَتــــاك
كِلي اشكثر ربَك طـَوَل ايصب بيك
ابسَبعَه الدنيا صَبها اوسبعَه مِن صَباك
ربي احتل عَرِش رب الخليقه هناك
وانت ابعرش كلبي اتجول بي خـَـــلاك
يااجمل رسِم بعيوني كحله اوطيف
أسهر بيك واغفه اواحلـَم اواتنــــــــــاك
يخي عونه اليشمَك وانتشاك ابريج
يرشِف عذب سلسب من رضاب اشفاك
والف هنيال بخته الجابلاك اسنين
يحط ايده اعلى خده اويسها وي عيناك
ياجامع حلاوة كل ورود الكون
ثلج تلمع اسنونك مو دهك مســــــواك
حَمرَه اخدود عندك ترفه مثل التين
وبريسَم ظفيرك غار مِنـَه اســـــــواك
شـَطب ريحان طولك خيزرانت شيخ
تِطـَوه ابراهوه ابيد من يـِطــــــــــواك
أمظـَمَر والخصِر كـَد جَمَة الباعين
اردس حيل بيه اولا اكول اشجـــــاك
تِشَمخـَر شيل خَشمَك لاتِصِد لِلناس
كلها الناس تِصطـَف من يمر طرواك
بَس اوياي رَيض هَدي واكرَب جاي
حط يَسره ابيَسرتي اويمنتي ابمنـــــاك
جزانه الريل وسنين العمر ناعور
وانا اعليك اطك صفنات واترجـــاك
يمعود دفضها اوعوف لوم الناس
هيه الناس شِلها امننجـِمِع ويــــــــاك
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد