خامس اصحاب الكساء


ـــــــــــــــــــــــــــــــــــــ


ياحسين اليوم ثارات الطفوف && اوخل تشوف المارضت بالحق تشوف


مانطخ هيهات && احنه للكلفات


وكف دمنا حسين يتحدى السيوف


&&&&


السيوف اعلينه تردف والسِهام && والاغراب اتحالفت وي العمام


الها احنه اشما كصَت بينا اللئام && والانصار حسين ديدنها السلام


احنه من نهجك نهجنا && همه تعبوا ماتعبنا


نرفع الرايات && احنه للكلفات


&&&&


نرفع الرايات باسمك ياحسين && تلتوي العالت علينه اوما نلين


من يصدنا اوحدر كترك محتمين && كلها حلفت بيك ماتنقض يمين


خامس اصحاب الكساء && انت عنوان الاباء


تشهد الساحات && احنه للكلفات


&&&&


تشهد الساحات صولات الطفوف && بين ايديك الروس تطفر والجفوف


والصفوف اطيح منك عل الصفوف && اوذو الفِقار اشلون درسها الحتوف


حتى ملك الموت كبَر && صاح صوت الله واكبر


توجع الضربات && احنه للكلفات


&&&&


صوتت يحسين بالطف السماء && الدنيا صرخت ياعظم هذا البلاء


والارض وضيتها ابطهر الدماء && يوم طفك والحشر صارن سواء


خزه العار الصارعك && فاز بيها البايعك


فزنا بالجنات && احنه للكلفات


&&&&


دنيا فزنا اودين يحسين وجنان && بيك راهنا تره اوفزنا الرهان


للشهاده اوياك معقود القران && جنود بيد اليورث ابتالي الزمان


احنه للمهدي ننصره && يشفعلنه ابيوم حشره


نزلت ابآيات احنه للكلفات








مشير السعيدي