من طرف [size=21]زنجيل الامام الحسين عليه السلام
ـــــــــــــــــ
عظيم او تممت جودك والحسين
حسين المنولد صنوه والحسين
فصلت الكسا اعلى اربع والحسين
وجه تفصال خمستهم سويه
ــــــــــــــــ
سويه البكسا انجمعوا نحبهم
نعظم نستعد نوگف نحبهم
العتره البذبح خلص نحبهم
ارواح اومال نرخص ماتهيه
ــــــــــــــــــ
ارواح اومال نرخصهن بلا احساب
الصراط ايلين والجنه بلا احساب
بلايه انساب للكوثر بلا احساب
اللقب خدام بت طه الزچيه
ـــــــــــــــــــ
الزچيه اوكل مَن لحسين ينساب
واشرف دم دمه ال لحسين ينساب
استبرق ثوب ابو السجاد ينساب
علينه ايلوگ موش اعلى ال اميه
ــــــــــــــــــــ
علينه ايلوگ ثوب حسين تفصال
الخصيم الله اواميه اوياه تفصال
متى ياذابح اهل البيت تفصال
بالتوبه اورگبتي افداك ديه
ــــــــــــــــ
رگبتي لليحب حسين ديه
وصيرله ابجوي الشدات ديه
لون ابيوم طاح الدهر ديه
اشچ بعيون دهره اثنين اديه
ــــــــــــــــــــ
اديه وازره واحماه واخاه
اصيح ان صاح اخ احاه واخاه
لان بيه دمه العباس واخاه
حسين ومنه ماخذهن سجيه
ــــــــــــــــــ
مشير السعيدي
[/size]
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد