من طرف [size=21]منجي الخليقه
ـــــــــــــــــــــــ
منجي الخليقه انولد
غناله طير السعد
حي الله مهدينه
منقذنه والينه
ــــــــــــــ
مهدينه هل اهلاله صلوا اعلى طه اواله يضوي ابدربنا
يحبابه افرحوا ابجاله كل ظيم عنكم شاله انحبه اويحبنا
اشماله البغضنا اشماله عينه ابدمع هماله المهدي ابگلبنا
ما من مجد ماناله طال اوي كلشي اوطاله تفداه رگبنا
عترة رسول الله
نحيي ابفرح ذكراه
عل الهدى ايمشينه
حي الله مهدينه
ــــــــــــــــــــــــــ
يوم الحشر شفاع للما ضميره انباع نسل الهواشم
يمته يجي المطلاع فسدت تراها الگاع يجلي الهظايم
غير الصمد ماطاع لهل الغدر صگاع عجل يدايم
فوگ السفينه اشراع بامره الخلگ تنصاع اگعد ينايم
يوم الحشر ينجيك
كوثر عذب يسگيك
رف بيده سارينه
حي الله مهدينه
ـــــــــــــــــ
هل الولي المعصوم ميلاده هذا اليوم نجمه ابسمانه
ساطع يشع للدوم بامر العلي القيوم يسري ابدمانه
من طه عنده اعلوم يحكمها لاخر يوم حامل لوانه
بسكم سبات اونوم بطلوا الحقد واللوم لوذوا ابحمانه
فاز اوعلي اليهواه
واليمشي تحت الواه
للجنه يحدينه
حي الله مهدينه
ــــــــــــــ
للمهدي گوموا اگوام حيوا الامام العام ناخذ تحيه
من مثله صله اوصام جده علي الضرغام وامه الزچيه
حادي لوى الاسلام حارت توصفه اقلام وصفوه اليه
آل اوبني اواقوام هو اليأم جدام مامن جديه
نسل العظيم حسين
من دمه حبر الدين
بس احنه قارينه
حي الله مهدينه
ـــــــــــــــ
شبحه اوتهل ادموع عين المحب ويلوع ينطر قدومك
صار العدل ممنوع بس الدجل مسموع عجل ظهورك
حولك نصير اضلوع نعلگ عمرنا اشموع تضوي ابحضورك
دخطف ولو بسبوع وجلي الظلم والجوع يضويها نورك
رد الشمر رداد
والفاجرابن ازياد
نندب يحامينه
حي الله مهدينه
ـــــــــــــــــــــ
طالت يبعد الروح لچموا يمهدي اجروح كلش تمادوا
نبچي اوندگ وانوح بينا الفرح مذبوح نتبره رادوا
عشگك عشگ مفضوح خاف الاناء ايفوح يم الي عادوا
صوت المحب مبحوح دوه ابجميع السوح بايعنه نادوا
للعتره واهل البيت
بالعزه شاع الصيت
والحادي داحينه
حي الله مهدينه
ابو ذيه
ـــــــــــــ
الشعيه غير امام العصر شلها
عنت والجروح اتريد شلها
انهض للحمول اثگال شلها
گصت بينا الاراذل وآل اميه
ـــــــــــــــــــ
يلاهي اشهَد لقيت الحجج وانذار
لبو صالح لرخص العمر وانذار
نِتـَف لو صير لا لو رمل وانذار
كل وذره تشايع للزجيه
ــــــــــــــــ
مشير السعيدي
[/size]
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد