بغير واهس

إبغير واهس
ـــــــــــــــــ
لاتِهتـَم حبيبي إولا تِدير إلبال
أنا إلممنون أجيلـَك ولفي مِن تِزعَـــــل
حبيبي إبلا وِعيَه إلدارَك أتعناك
تامِرني حبيبي إوعَلـَي تِتدَلـَــــــــــــــل
طـَلگت إبثلاثه إلدنيَا وإلاحباب
إوصِرِت شَحاذ مِنـَك ضِحكِتي أتسَوَل
أظل إبغير واهس لوغِبت لحظات
إومِثِل إم توم عگبَك صِرِت تِتوَلـــــوَل
مَنـَه أتنـَساك نـَسمَه إوي إلعَليل إبليل
وَحِسَك وإنتـَه وَسط إحشاي تِتجَــــوَل
أنا إبلـَياك مِثِل إلفگدَت إِلها إثنين
وإنت إوياي چَنـَه إوعَمَه تِتمَنــــــــدَل
ياشِربان دمي البيك دمي ايدور
ليش انت اعلى مامش ولفي تِتبَــــــدَل
تِچَمِلهِن جَرِح وِتبـِزهِن إويَ إلناس
تِدمِلهِن رِجيتـَك عود يَمعَـــــــــــــــــدَل
اخاف إلعشگ عِندَك كـَهكـَهاَ إوتـَصفيط
إحچايَة ليل لوطـَر إلصبح تِســـــــــدَل
لعيونك صفيت إمشَتـَت إبلا راي
وِإنتـَه إوياي گـَلبَك چَن خِشَب صَنــدَل
تِبيع إبلا ثِمَن يااثمن امن الروح
دوم إوياي طـَيف إبصَحوَه يـِتعَلـَـــل
أحِبَك لو جـِفيت إوما تِرِد هيهات
مُر بـِيَه إن ضَميرَك فـَزِزَك وَأجفـَـــل
تِلگاني إعلى هَگوَه إلفاتـَن إمن اسنين
هّذاك آنا إلحَبيب إلبيك يـِتوَسَــــــــــل


مشير السعيدي