من طرف محراب الامام
ـــــــــــــــــــــــــــ
صاح جبريل انثلم دين السلام
اتخضب المحراب من دم الامام
ـــــــــــــــــــــــــ
خضب المحراب دم المرتضى
الليله كل دلال موجر بالغضه
لجله سمونه الجموع الرافضه
شرف هاي الشيعته اوارفع وسام
ـــــــــــــــــــ
شرف چلمة رافضه لشيعة علي
واحنه ندري امن الرحم حيدر ولي
اوندري يفلي السوح لو طبهن فلي
اوندري ذوالفقار گص روس اللئام
ــــــــــــــــــــ
لوله ابو الحسنين ماسجدت قريش
والسميدع جيش سيفه اوهو جيش
مدري ليش ايصير رابع مدري ليش
اوهو اول من بعد خير الانام
ــــــــــــــــــ
حيدر اول دوم لو سائل سأل
لان حيدر بالصلاه خير العمل
الليله بالمحراب دين الله انچتل
واستمر سفيان وي ربه الخصام
ــــــــــــــــــ
ذبحوا ابرمضان قران الاله
اكتاب ناطق حيدره اومحد سواه
هو اخو المختار وبروحه افتداه
وبعلي الكرار دين الله استقام
ـــــــــــــــــ
دوم نلهج بيك رغم اللايمه
احمول بينا اهموم لجلك جاثمه
امن السقيفه اومحسن اومن فاطمه
وبطفوف حسين نعلنها اعتصام
ـــــــــــــــــــ
نعتصم ونوح وندگ الصدور
وبمحرم يلبس اسود كل غيور
اوباربعين حسين شيعتكم نفور
لونضوگ ابحبكم الموت الزئام
ـــــــــــــــــــــــــ
انضوگ بيك الموت ونلبي النداء
ازحوف نزحف نعتنيك لكربلاء
انطوف بيك اونعلن الحب والولاء
اوناخذ العباس تعظيم اوسلام
ـــــــــــــــــــــــ
حيدر انت بكلشي ياحيدر قنوع
ضربه وحده اطيح وي سيفك جموع
اوجرح واحد خله سيافك يلوع
انخلع متنه اوهامتك ظلت تمام
ـــــــــــــــــــــــ
مشير السعيدي
ـــــــــــــــــــــــــــ
صاح جبريل انثلم دين السلام
اتخضب المحراب من دم الامام
ـــــــــــــــــــــــــ
خضب المحراب دم المرتضى
الليله كل دلال موجر بالغضه
لجله سمونه الجموع الرافضه
شرف هاي الشيعته اوارفع وسام
ـــــــــــــــــــ
شرف چلمة رافضه لشيعة علي
واحنه ندري امن الرحم حيدر ولي
اوندري يفلي السوح لو طبهن فلي
اوندري ذوالفقار گص روس اللئام
ــــــــــــــــــــ
لوله ابو الحسنين ماسجدت قريش
والسميدع جيش سيفه اوهو جيش
مدري ليش ايصير رابع مدري ليش
اوهو اول من بعد خير الانام
ــــــــــــــــــ
حيدر اول دوم لو سائل سأل
لان حيدر بالصلاه خير العمل
الليله بالمحراب دين الله انچتل
واستمر سفيان وي ربه الخصام
ــــــــــــــــــ
ذبحوا ابرمضان قران الاله
اكتاب ناطق حيدره اومحد سواه
هو اخو المختار وبروحه افتداه
وبعلي الكرار دين الله استقام
ـــــــــــــــــ
دوم نلهج بيك رغم اللايمه
احمول بينا اهموم لجلك جاثمه
امن السقيفه اومحسن اومن فاطمه
وبطفوف حسين نعلنها اعتصام
ـــــــــــــــــــ
نعتصم ونوح وندگ الصدور
وبمحرم يلبس اسود كل غيور
اوباربعين حسين شيعتكم نفور
لونضوگ ابحبكم الموت الزئام
ـــــــــــــــــــــــــ
انضوگ بيك الموت ونلبي النداء
ازحوف نزحف نعتنيك لكربلاء
انطوف بيك اونعلن الحب والولاء
اوناخذ العباس تعظيم اوسلام
ـــــــــــــــــــــــ
حيدر انت بكلشي ياحيدر قنوع
ضربه وحده اطيح وي سيفك جموع
اوجرح واحد خله سيافك يلوع
انخلع متنه اوهامتك ظلت تمام
ـــــــــــــــــــــــ
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد