الخطه
ـــــــــــــــ
شد برچاب خيلك گوم واحدي العيس
شعبك بين اديك انتخه اوياك ايگــــــوم
بغداد السلام انذبح بيها الطيف
بز عين الذبحها اوخل دمعها ادمــــــــوم
قدوه الحسن خله اوي السياسه اوياك
اوسل حسين سيف ابرگبة المتهــــــــوم
وَشِركل لسنها العل العراق اطول
اوخل ينتحر بيده البلحقد ملغــــــــــــوم
لاتلفت رگبتك لليصيح اعليك
مبخوت الزمط من يلتفت منـــــــــــدوم
مد اثنين اديك اوي الجنح والتاب
اوگص اثنين اديه العاكسك بالعـــــــــــوم
افطن للوجوه البدت يمك راي
وافرز من حچيها العسل عن الثـــــــــوم
رش عطر السلام او شمم الغافين
فزز من حِلاله اعلى الخيانه النــــــــــــوم
لاتگطم الحيه اوتلتهي اوي الذيل
راس الحيه يلدغ حتى لو مگطــــــــــــوم
هَشِم راس الافعه اتأمن اوترتاح
اوسمها ابسم ضرسها الچنت بي مسمـوم
رف يعگاب جنحك خل يهفي الناس
واطرد من سماك امخنثات الحــــــــــوم
العب ياصگرها الوكت دار اوياك
نِش غربانها النعگت عليك ابشـــــــوم
ياشاهين غطهم بالضحه الوضاح
خلها اتشوف باوذان الظهيره انجـــــوم
فز الخوف بيهم وانزو الرعديد
طفحت والگلوب ابطارف الــــــزردوم
طگهم وانا اعرفك بالزماط اهديب
اصيل اعلى العراق امن الزغر مفطوم
راضع من ثدايه الگاع غيره اوباس
يالگلبك خريطه الوطن بي موشـــــوم
توضه امن الفرات اودجله لوصليت
اوصوم اعلى العراق اشما يطول الصوم
بس اومي ابيمينك واشر اعلى الموت
نركس بالمنايه ابلا چفن واهــــــــــــدوم
دمنا ايهون لوطرف الوطن ينداس
بعيون الزلم صوره الوطن مرســـــــــوم
تبختر بين شعبك والشعب يحميك
احظنه اوخل يحظنك شعبك المهمـــــــوم
شرطه اوجيش شدوا راية العباس
هِد اوهذا يومك يالعراق اليـــــــــــوم
مشير السعيدي
السبت مارس 16, 2013 12:11 pm من طرف المشرف العام مشير السعيدي
» الضلع والصراط
السبت مارس 16, 2013 12:06 pm من طرف المشرف العام مشير السعيدي
» الطف بين الشام والشام
السبت مارس 16, 2013 12:04 pm من طرف المشرف العام مشير السعيدي
» الحسين هويتي
السبت مارس 16, 2013 12:02 pm من طرف المشرف العام مشير السعيدي
» هوسات عامه
الأربعاء نوفمبر 21, 2012 4:10 pm من طرف المشرف العام مشير السعيدي
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
الجمعة نوفمبر 02, 2012 11:33 am من طرف المشرف العام مشير السعيدي
» مجموعة ابو ذيات ومساجلات
الجمعة سبتمبر 14, 2012 1:26 pm من طرف المشرف العام مشير السعيدي
» لمخ لص للعراق
الجمعة سبتمبر 14, 2012 1:24 pm من طرف المشرف العام مشير السعيدي
» عايداني للعيد
الجمعة سبتمبر 14, 2012 1:22 pm من طرف المشرف العام مشير السعيدي