من طرف سيد شهداء القوافي
ـــــــــــــــــــــــــــــ
انذبح صوت القصيده اباب بغداد
اوشاعرها ابحظنها انگص وريده
نذر روحه رحيم الگاعه قربان
اوفوگ الگاع دمه انخط قصيده
وضه الگاع من شريان الاشعار
اوغسل وجه الشعر باخر جديده
طش روحه قصيده ابوجه الارهاب
عفه روحك رحيم اشگد عنيده
سرج مهره القوافي اوصار خيال
واوزان الشعر طوعه اوعبيده
بعنان القصيده ايصول ويجول
يجرها اعلى التريده اوماتريده
حي صايود كل زينات الرجال
اوموتك بالشرف والعز تصيده
هنيال الشهاده اتشرفت بيك
اوهنيال الوطن لنك شهيـــــــده
يامنبر شعر ولسان مظلوم
عليك ايلوگ يستاذه اوعميـــده
هز عرش الطغات ابصوت زلزال
غضب سجيل دوخهم رعيـــده
ماساوم رحيم اوطاع هامان
وگف عصاة موسى اوي العقيده
حالات الشعر والشاعر اشكال
اوحالاتك رحيم اشگد فريــــــده
طبع الماي طـَيـِع وي كل الناس
واشوس بالشعر طبع الحديــــــده
رحيم اصرار ربعه ابعوز الايام
وصراره العراق وكل رصيده
لوليت الوطن مثل ابنك ابشوگ
دللولك عدوك مسكنه البيــــــــده
رحيم ابكل قصيده ادموعه مدرار
گبل الموت خضب للنحر جيده
يمسح عينه بيده ايشوف الرسوم
خارطة العراق انطبعت ابيده
عفت بغداد ليش ابزحمة الموت
خدرها انباگ ومفرعه اووحيده
شمعتها انطفت بمعاتت الليل
سنيح اوساد بغدادك ونيـــــده
ذبل ورگ العراق اوخايف ايموت
واسمه ايظل متن فوگ الجريده
الك غصه رحيم اوآه من آه
اوحزني اعليك چالفاجد عضيده
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد