من طرف اطفال العراق
ـــــــــــــــــــــ
اشكثر بيك الوكت ياموطني ايعيل
تِمَحچَل بيك وايس ماگِدَر يلويــــــــك
تِلين اوي الوكت لوشفتـَه مغتاض
اوتِطِگ مثل الفحَل لوراد يطويـــــــك
ذب مايه اعلى جَمرَك ظـَنـَك ارماد
يچوي الثلج جمرك من يطفيـــــــــــك
لـَف روحه اعلى روحه اوصار عطاب
ورَث من دِناك انچوه الظن يچويـــــك
واذا طاح السَبع يبگه السَبع مهيوب
وانت الماطحت واعداك تدريـــــــــك
صَگر تِزرگ زرِگ لورايد اتصيد
بس المايعرفك ياصگر يشويـــــــــك
تنهَش بيك سِته ابيمنت الحداي
تنفظهم نفض وتگوم تِحدي السِته واليحديك
ذبحوا بيك بسمة كل طفِل فرحان
مايبچي اعلى چسوه الطِفِل بس يبچيـــك
شاحِب ياوطن كِل الاطفال اتصيح
نِمِد شريان بأرضك ياوطن نسجيـــــك
واذا دمنا يـِشِح والوطن ظل عطشان
بنگوط النِزاع اوداعِتـَك نرويــــــــــك
أمس قربان طشونا اعلى عرض الگاع
لعيونك رضينه الموت بس نرضيــــك
نِشِل جَرحَك نِضمدَه اضماد بالشريان
نِنزف حد گطاع النفس بس نشفيــــــــك
ياومضت شرف كِشفَت دَغـَش تاريخ
والتاريخ غـَمَض مِستحي ايضويـــــــك
حِظِن لِلموت صاير ياعراق اشجاك
تِلولي ابحظنك اهل الموت وتلوليــــك
بس انت ابدللول الولد لوليت
واهل الموت لولت بالسيوف اعليـــــك
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد