من طرف الدستور
ـــــــــــــ
اشكبر حظك ياوطن وشكد بخيت
شعب ينزف والدمــه ابجفينــــــــه
جف يصد ارماح غل الحاقدين
او سور صار اعلى الوطن حامينه
اوجف كتب دستور وحروفه ابدماه
خيمه تجمعنا سوه اوتحوينــــــــــه
كوم والعكازه شعبك ياعراق
طول بينا اشما طلت تدرينــــــــــــه
احنه ظعنك والحده ابظعنك علي
او من يزيحك والاساس حسينــــــه
انت بالكاع الوتد وارضك طهور
الكـــــون تهوه ابطيحتك صوبينه
انت سنيت السنن باظلم عصور
وانت اول من عرف تكوينـــــــــــــه
اكتب انت او امحي امحي اشماتريد
واسحك اوياك البغت تمحينـــــــــــه
دمنه وي طينك خبط يجرن نهر
او يانهر طلگ دهلته اوطينـــــــــــه
انت بينا اجروح تدي امن المهاد
جرح بُعدك وَحَده ايأذينــــــــــــــــه
كافي بسك ياوطن عِن استريح
شعبك ايلوليك وتلولينــــــــــــــــــه
شعبك المالوم محتاجك مظيف
اوشيل بيدك دلتك كهوينـــــــــــــــه
تدري بينا امن المظن نومه اوسبات
صرخ بينا اصوابك اوفزينـــــــــــه
جنه وي الروج نتلطلط بديه
اليوم سفانه اوفره جالينــــــــــــــــه
غابت الظلمه اوشمس شعبك تنور
ضَوة اعليك اوضوة عامينــــــــــــه
عِمت عينه الراد نرجع للظلام
اشكثر صَلفه اويا وكاحَت عينــــــه
هاي كطنه انشلعَت امن اذن الحسود
اوكصها دستورك بتر سجينــــــــه
من شمالك ياوطن لاقصى الجنوب
ابدمنا دستورك نعم ماضينــــــــــه
عفنا لجلك ياوطن غالي ونفيس
بس يزانه ابوحدك يازينــــــــــه
مشير السعيدي
عدل سابقا من قبل المشرف العام في السبت فبراير 14, 2009 9:16 am عدل 2 مرات
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد