من طرف القلم والنون
ـــــــــــــــــــ
اريد افرش شليلي ابحضرة اهل البيت
وادري امرادي بيدي اوطلبتي اتهــــــون
وانا ابرحم امي اواسمع امي اتكول
اهل البيت وي شدة محبهم عــــــــــــون
وانه اچفوفي ايتلطلط بيها ماي العين
عمت والشوف بيكم بالعيون اعيـــــون
ماخاب اليگصدك علي حامي الجار
بيك الشيعه تحلف والقلم والنــــــــــــــون
ابكريم البيت الوذن والحسن دهدار
مارد اليسئلك فارغ الماعــــــــــــــــــــــون
يحسين ابرضيعك سيدي اتنخاك
توكفلي امامي الماتخيب اظنــــــــــــــــــون
يالسجاد احشمك يبو الفقره ارجوك
نـَشِف دمعتي واسيني بيه اشجــــــــــــــون
لذت ابحمى الباقر واللفني اثگال
حد انيابه وكتي او وكحه عنده اسنــــــــون
يالصادق امامي اوسيدي اورجواي
ضاگت وانت حلها اشلون مدري شلـــــــون
ياباب الحوائج ياكظيم الغيض
للمادروا عون اوعون لليـــــــــــــــــــدرون
غريب الطوس مولاي الرضا المسموم
شعيتكم ولوها اوبيك يتنخــــــــــــــــــون
جواد الجود جودك جاوز المالوف
جودك سيدي العادوك بيه يحچـــــــــــــون
علي الهادي دخيلك سيدي اوبحماك
والبحماك يـِمن لو دخيل اقــــــــــــــــــرون
انه ابخت الحسن وادري الحسن مبخوت
مايطي اليبخته الينبخت مامـــــــــــــــــون
وانه المهدي بخيتي البي بخيت الدين
يرد ديني الثجيل ابرگبة المديـــــــــــــــون
يالبيكم دوه الكل داء يهل البيت
والمخلبص بديكم لو عصه اتفلــــــــــــون
مشير السعيدي
» الضلع والصراط
» الطف بين الشام والشام
» الحسين هويتي
» هوسات عامه
» الاخ العزيز مشير السعيدي وفقك الله وسدد خطاك فأنت صوت حسيني ناطق.... نتمنى أن يوفقك الله لما فيه خير لآخرتك قبل دنياك
» مجموعة ابو ذيات ومساجلات
» لمخ لص للعراق
» عايداني للعيد